بيىل مەملەكەتتىك ب ا ق-تىڭ ءبىرىڭعاي پورتالى ىسكە قوسىلادى

None
None
نۇر-سۇلتان. قازاقپارات - بيىل مەملەكەتتىك ب ا ق-تىڭ ءبىرىڭعاي پورتالى ىسكە قوسىلادى.

بۇل تۋرالى اقپارات جانە قوعامدىق دامۋ ءمينيسترى ايدا بالايەۆا ءمالىم ەتتى، دەپ حابارلايدى قازاقپارات ءتىلشىسى.

«جالپى ۇلتتىق جوسپاردى جۇزەگە اسىرۋ (اقپارات سالاسىن دامىتۋدىڭ 2020-2022 -جىلدارعا ارنالعان ۇلتتىق جوسپارى) وتاندىق ب ا ق-تىڭ ەكونوميكالىق دەربەستىگىن ارتتىرۋعا جانە قوعام تاراپىنان تۇتىنۋشىلىق سۇرانىستىڭ وسۋىنە ىقپال ەتەدى»، - دەدى مينيستر ورتالىق كوممۋنيكاتسيالار قىزمەتىندە ونلاين رەجيمدە وتكەن حالىققا ەسەپ بەرۋ كەزدەسۋى بارىسىندا.

«وسى تۇرعىدا مەملەكەتتىك ورگانداردىڭ قىزمەتى تۋرالى حالىققا ساپالى حابار تاراتۋ ماقساتىندا بيىل مەملەكەتتىك ب ا ق-تىڭ ءبىرىڭعاي پورتالىن ىسكە قوسامىز. بۇل قادامدى وتە ماڭىزدى دەپ بىلەمىز. اسىرەسە، اۋقىمدى اقپارات اعىنى جاعدايىندا ول ازاماتتارعا سەنىمدى اقپارات الۋعا مۇمكىندىك بەرەدى»، - دەدى ا. بالايەۆا.

بۇدان بۇرىن حابارلانعانداي، كوپشىلىككە ىڭعايلى بولۋى ءۇشىن مەملەكەتتىك باعدارلامالاردىڭ ورتاق پورتالى ىسكە قوسىلۋدا.

اۆتور: رۋسلان عابباسوۆ


سوڭعى جاڭالىقتار