قازاقستاندا ب ا ق-تى مەملەكەتتى قولداۋدىڭ قادامدارى قايتا قارالادى - مينيستر

نۇر-سۇلتان. قازاقپارات - قازاقستاندا وتاندىق ب ا ق-تى مەملەكەتتى قولداۋدىڭ قادامدارى قايتا قارالادى.

بۇل تۋرالى اقپارات جانە قوعامدىق دامۋ ءمينيسترى ايدا بالايەۆا ءمالىم ەتتى، دەپ حابارلايدى قازاقپارات ءتىلشىسى.

«وتاندىق ب ا ق-تىڭ باسەكەگە قابىلەتتىگىن ارتتىرۋ اياسىندا بۇقارالىق اقپارات قۇرالدارىن مەملەكەتتىك قولداۋدىڭ قادامدارى قايتا قارالدى. تيىمدىلىك مەن ساپانى باعالاۋدى ەنگىزۋمەن رەسپۋبليكالىق ءارى وڭىرلىك دەڭگەيدە مەملەكەتتىك اقپاراتتىق تاپسىرىستى ورنالاستىرۋدى ءبىرىڭعاي جۇيەسى قۇرىلادى»، - دەدى مينيستر ورتالىق كوممۋنيكاتسيالار قىزمەتىندە ونلاين رەجيمدە وتكەن حالىققا ەسەپ بەرۋ كەزدەسۋى بارىسىندا.

ونىڭ ايتۋىنشا، وتاندىق باسپا ءسوزدى قولداۋ، سيفرلىق راديوحابار مەن ينتەرنەت تەلەارنەانى دامىتۋ، اقپارات سالاسىندا مەملەكەتتىك ۇيىمداردى وڭتايلانلىرۋ بويىنشا شارالار كەشەنى ىسكە اسىرىلادى.

اۆتور: رۋسلان عابباسوۆ