مينيستر ەلدەگى اجىراسۋ جاعدايىنىڭ وسۋىنە الاڭداۋشىلىق ءبىلدىردى

None
None
نۇر-سۇلتان. قازاقپارات - اقپارات جانە قوعامدىق دامۋ ءمينيسترى ايدا بالايەۆا حالىققا ەسەپ بەرۋ كەزىندە جاستاردىڭ اجىراسۋ جاعدايى ارتىپ بارا جاتقانىن مالىمدەدى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ جولداۋىنىڭ باستى باسىمدىقتارىنىڭ ءبىرى - وتباسى جانە بالالاردى قولداۋ شارالارى. قازىرگى تاڭدا وكىنىشكە قاراي، قوعام وزگەرىسىمەن بىرگە وتباسىنىڭ قۇندىلىقتارى دا وزگەرىپ بارا جاتقانىن ايتا كەتۋ كەرەك. ەلدەگى وزەكتى ماسەلەلەردىڭ ءبىرى - اجىراسۋ جاعدايىنىڭ ارتۋى. 2017 -جىلى اجىراسۋدىڭ 55 مىڭ جاعدايى (تىركەلگەن نەكەلەردىڭ 39 پايىزى) تىركەلسە، 2019 -جىلى بۇل كورسەتكىش 60 مىڭعا (43 پايىزى) جەتكەن. سونىمەن بىرگە مۇنداي بەلسەندى ستاتيستيكاعا ا ا ك اينالاسىنداعى جاعداي سەبەپ بولعانىن جەتكىزگىم كەلەدى»، دەدى مينيستر.

ونىڭ ايتۋىنا قاراعاندا، ماتەريالدىق كومەك الۋ ءۇشىن «وتىرىك اجىراسۋ» دا بەلەڭ العان. ءمينيستردىڭ ايتۋىنشا قازىرگى تاڭدا قوعامدا بولىپ جاتقان كەز كەلگەن وزگەرىس وتباسىنا جاعىمسىز سيپاتتا اسەت ەتۋى مۇمكىن. سول سەبەپتى مەملەكەتتىڭ الەۋمەتتىك مىندەتتەرىنىڭ ماڭىزدى ءبىر بولىگى - وتباسى، انا مەن بالانى قورعاۋ بولىپ وتىر.

«نەگىزگى امال-ادىستەر 2030 -جىلعا دەيىنگى وتباسى مەن گەندەردىك ساياسات تۇجىرىمداماسىندا كورسەتىلگەن. بيىل وسى تۇجىرىمدامانىڭ ەكىنشى كەزەڭىن جۇزەگە اسىرۋ جۇمىستارى باستالدى. ول وتباسى ينستيتۋتىن جەتىلدىرىپ، رەپرودۋكتيۆتى دەنساۋلىقتى نىعايتىپ، تۇرمىستىق زورلىق- زومبىلىقتىڭ الدىن الۋعا باعىتتالعان»، - دەدى ايدا بالايەۆا.

اۆتور: ايان بەكەن ۇلى

سوڭعى جاڭالىقتار