گەننادي گولوۆكين كەلەسى جەكپە-جەگى جانە «كانەلومەن» وتەتىن تريلوگياسىنىڭ مەرزىمىن ناقتىلادى

نۇر-سۇلتان. قازاقپارات - قازاقستاندىق بوكسشى گەننادي گولوۆكيننىڭ (40-1-1، 35 ك و) قاشان رينگكە ورالاتىنى بەلگىلى بولدى، دەپ حابارلايدى قازاقپارات Sports.kz-كە سىلتەمە جاساپ.

گولوۆكيننىڭ كەلەسى قارسىلاسى پولياك كاميل شەرەمەتانىڭ (21-0، 5 ك و) پروموۋتەرى اندجەي ۆاسيليەۆسكيدىڭ ايتۋىنشا، ولاردىڭ ايقاسى قازان نەمەسە قاراشا ايىنا جوسپارلانعان.

ناقتىراق ايتقاندا، قازاننىڭ ەكىنشى نەمەسە ءۇشىنشى سەنبىسى (10- نەمەسە 17- قازان) نەمەسە قاراشانىڭ العاشقى سەنبىسى (7- قاراشا).

بۇل 2020-جىلى گەننادي گولوۆكين مەن مەكسيكالىق ساۋل «كانەلو» الۆارەس (53-1-2، 36 ك و) تريلوگياسى وتپەيتىنىن بىلدىرەدى.

بولجام بويىنشا، ولاردىڭ جەكپە-جەگى 2021-جىلدىڭ العاشقى جارتىسىندا، ءداستۇرلى مەكسيكالىق «سينكو دە مايو» مەرەكەسىنە وراي وتەدى.