ماۋسىم ايىندا ەلورداعا جاۋىن-شاشىننىڭ ءۇش ايلىق نورماسى جاۋدى

نۇر-سۇلتان. قازاقپارات - ماۋسىم ايىندا ەلورداعا جاۋىن-شاشىننىڭ ءۇش ايلىق نورماسى جاۋدى.

بۇل تۋرالى نۇر-سۇلتان قالالىق اكىمدىگىنىڭ Facebook پاراقشاسىندا جاريالانعان اقپاراتتا ايتىلعان، دەپ حابارلايدى قازاقپارات ءتىلشىسى.

«ماۋسىمنىڭ 1 ءى مەن 27 ءسى ارالىعىندا ەلورداعا 96 م م جاڭبىر جاۋدى. بۇل ءۇش ايلىق نورمامەن پارا-پار. ال كەشە، 27- ماۋسىمدا 1 تاۋلىكتىڭ ىشىندە 39 م م جاۋىن جاۋدى. ال ءبىر ايلىق نورما 37 م م قۇرايدى»، - دەلىنگەن تاراتىلعان اقپاراتتا.

«قازگيدرومەت» مالىمەتىنشە، شىلدە ايىندا ەلوردادا +23+33 گرادۋس ىستىق بولادى. دەگەنمەن، اي بويى قىسقا ۋاقىتقا كۇن سالقىنداپ وتىرادى.

جاڭبىر جاۋىپ، ۇيىتقىپ جەل سوعادى. تۇندە +7+12، ال كۇندىز +17+23 گرادۋسقا دەيىن اۋا تەمپەراتۋراسى تومەندەيدى.

ايتا كەتەيىك، كەشە ەلوردادا قاتتى جاۋىن جاۋىپ، قالانىڭ ءبىرقاتار كوشەسىن سۋ باسقان ەدى.