بەيسەن قۇرانبەك اتىنداعى «جىگەر» سىيلىعىنىڭ جەڭىمپازدارى ماراپاتتالدى
ايتا كەتەيىك، «جىگەر» سىيلىعىنا ءوتىنىش 2020-جىلدىڭ 26- مامىر مەن 15- ماۋسىم ارالىعىندا mdq.kz سايتىندا قابىلداندى.
وسى بايقاۋ ق ر اقپارات جانە قوعامدىق دامۋ مينيسترلىگىنىڭ باستاماسىمەن جۇزەگە اسىرىلدى. ۇلتتىق سىيلىقتىڭ باستى ماقساتى - ارداقتى ازامات، ەلىمىزگە بەلگىلى تەلەجۋرناليست بەيسەن قۇرانبەكتىڭ ەسىمىن ماڭگىلىككە ساقتاپ قالۋ جانە تالانتتى جاس جۋرناليستەردى تانىتۋ، ولاردىڭ كاسىبي جاعىنان ودان ءارى دامۋىنا قولداۋ كورسەتۋ.
«جىگەر» سىيلىعىنىڭ «الەۋمەتتىك تاقىرىپتاعى ۇزدىك سيۋجەت» اتالىمىندا «حابار 24» تەلەارناسىنىڭ ءتىلشىسى مەرەي شوماحانوۆا، «الەۋمەتتىك تاقىرىپتاعى ۇزدىك ماقالا» اتالىمىندا «egemen Qazaqstan» گازەتىنىڭ ش ق و- داعى ءتىلشىسى ازامات قاسىم، «الەۋمەتتىك تاقىرىپتاعى ۇزدىك فوتوسۋرەت» اتالىمىندا Pavlodarnews.kz اقپارات اگەنتتىگىنىڭ فوتوءتىلشىسى ولگا بۋگايەۆا، «الەۋمەتتىك تاقىرىپتاعى ۇزدىك ماتەريال» اتالىمىندا «الماتى» تەلەارناسىنىڭ رەداكتورى اقجەلەڭ راحاتدين قىزى العاشقى يەگەرى اتاندى.