ايدا بالايەۆا ب ا ق قىزمەتكەرلەرىن كاسىبي مەرەكەسىمەن قۇتتىقتادى
«كەز كەلگەن قوعامنىڭ دامۋى، مەملەكەتتىك ءوسىپ-وركەندەۋى - سول قوعامنىڭ ىشكى تۇراقتىلىعىنا، بەرەكە- بىرلىگىنە، ۇلتتىق قۇندىلىقتارىنىڭ ساقتالۋىنا، مەملەكەتتىك مىقتى يدەولوگياسىنا بايلانىستى. ال مۇنى قالىپتاستىراتىن ەڭ ءبىرىنشى - عالىمدار مەن زيالىلار، اقىن- جازۋشىلار مەن جۋرناليستەر. جۋرناليستەر - قوعامنىڭ جاناشىرى. قوعام تىرلىشىگىندەگى قىلت ەتكەن قيىندىقتاردا ءبىرىنشى بولىپ ءۇن قاتاتىن، تىعىرىقتان شىعار جول ىزدەيتىن دە جۋرناليستەر قاۋىمى»، - دەدى مينيستر قازاقستانداعى ب ا ق قىزمەتكەرلەرى كۇنىنە وراي وتكەن سالتاناتتى جيىندا.
وسى ورايدا ا. بالايەۆا اقيقاتتىڭ اردا جۇگىن ارقالاپ جۇرگەن جۋرناليستەر قاۋىمىن كاسىبي مەرەكەسىمەن قۇتتىقتادى.
«وزىمنىڭ جانە مينيسترلىك ۇجىمىمنىڭ اتىنان بارشا ارىپتەستەرىمىزدى شىن جۇرەكتەن قۇتتىقتايمىن. راسىندا دا جۋرناليستيكا شىعارماشىلىق ءورىستى عانا ەمەس، كاسىبي ورشىلدىك پەن اسا تەرەڭ مادەنيەتتىلىكتى، جان-جاقتى بىلىمدىلىك پەن ىشكى تاربيەلىكتى قاتار تالاپ ەتەتىن ماماندىق. ويتكەنى، عۇلاما عالىممەن دە، ءبىرتاۋار دارىنمەن دە، قاراپايىم قاۋىممەن دە تەڭ سويلەسىپ، تامىرىن تابۋ ەكىنىڭ بىرىنە بۇيىرا بەرمەيتىن دارا قاسيەت، اسقاق ابىروي. ءوز باسىم وسىنداي قاسيەت پەن ابىرويدى وتاندىق جۋرناليستيكامىزدى بۇگىنگىدەي تاماشا بيىككە كوتەرگەن مايتالمان اعا بۋىننان باستاپ، وسى كۇنى اقپارات اعىمىمەن الىسقان ءاربىر ءتىلشىنىڭ بويىنان كورەمىن. كورىپ قانا قويماي، سىزدەردىڭ بار ەرەكشە تالعامپازدىقتارىڭىزدى سەزىنەمىن. سوندىقتان وسىنداي تالعامدى قوعامدا قالىپتاستىرىپ، اينالامىزعا ادال اقپارات جەتكىزۋگە اتسالىسقان، اۋىر دا ابىرويلى ەڭبەكتەرىڭىز ءۇشىن العىسىمدى جەتكىزەمىن»، - دەدى مينيستر.
«قالامدارىڭىزدان قاسيەت كەتپەسىن، ەل يگىلىگىنە تۋ ەتكەن ەڭبەكتەرىڭىزدىڭ تابىسىن كورىڭىزدەر. سىزدەرگە زور دەنساۋلىق، وتباسىلارىڭىزعا اماندىق، باقىت پەن بەرەكە تىلەيمىن!»، - دەدى ايدا بالايەۆا ءوز قۇتتىقتاۋىندا.