ۇ ب ت: بەينەترانسلياتسيا ءوشىپ قالعان اۋديتوريا تۇلەكتەرى تەستىلەۋدى قايتا تاپسىرادى

نۇر-سۇلتان. قازاقپارات - ق ر ءبىلىم جانە عىلىم مينيسترلىگى ۇ ب ت- نىڭ ءتورتىنشى كۇنىن قورىتىندىلادى، دەپ حابارلايدى قازاقپارات.

«ۇ ب ت- نىڭ ءتورتىنشى كۇنى 77 تەستىلەۋ پۋنكتىندە 12581 ادام قاتىسادى دەپ جوسپارلاندى. ونىڭ %96 ى تەست تاپسىردى. ەرەجەنى 136 ادام بۇزعان، بۇل كورسەتكىش - ءۇشىنشى لەكتىڭ قورىتىندىسىمەن سالىستىرعاندا الدەقايدا تومەن. توعىز تۇلەكتىڭ قىزۋى كوتەرىلدى، ولار ۇ ب ت- نى باسقا كۇنى تاپسىرا الادى»، - دەپ حابارلادى مينيسترلىكتىڭ باسپا ءسوز قىزمەتى.

سونىمەن بىرگە، ەمتيحاندى وتكىزۋ پروتسەسىن باقىلاۋدىڭ ناشار بولۋىنا بايلانىستى ءبىلىم سالاسىنداعى ساپانى قامتاماسىز ەتۋ بويىنشا اۋماقتىق دەپارتامەنتتەر مەن ارنايى باقىلاۋ توبى وكىلدەرىنىڭ ۇسىنىسىمەن ەكى ايماقتاعى مەملەكەتتىك كوميسسيا قۇرامىنان 20 ادام شىعارىلدى.

«مەملەكەتتىك كوميسسيالاردىڭ جاڭا مۇشەلەرى رەتىندە قوعام قايراتكەرلەرى، وبلىستىڭ بەلسەندى مۇعالىمدەرى، ب ا ق جانە ۇكىمەتتىك ەمەس ۇيىمداردىڭ وكىلدەرى بەكىتىلدى. سونداي-اق تەستىلەۋ وتكىزۋ پۋنكتەرىندەگى باقىلاۋدى كۇشەيتۋ ماقساتىندا ۇ ب ت وتكىزۋدە سىن-قاتەر مۇمكىن وڭىرلەرگە ۇلتتىق تەستىلەۋ ورتالىعىنىڭ وكىلدەرى جىبەرىلەدى»، - دەيدى مينيسترلىك.

تۇركىستان وبلىسىندا ورنالاسقان ەكى پۋنكتىدە (ءشاۋىلدىر اۋىلى، جەتىساي قالاسى) جانە شىعىس قازاقستان وبلىسىنداعى ەكى پۋنكتىدە (اياگوز قالاسى، اقسۋات اۋىلى) ۇيالى بايلانىس سيگنالدارىن تەجەۋىشتەردىڭ ىستەن شىعۋىنا جانە بەينەترانسلياتسيانىڭ وشۋىنە بايلانىستى ەمتيحاندار باسقا كۇنگە اۋىستىرىلدى.

ق ر ب ع م ۇلتتىق تەستىلەۋ ورتالىعى ديرەكتورىنىڭ ورىنباسارى ناۋجان ديداربەكوۆانىڭ مالىمدەۋىنشە، بۇل پۋنكتەردە تالاپكەرلەر 27- ماۋسىم (اياگوز ق. اقسۋات ا.ءشاۋىلدىر ا.) جانە 2 شىلدە كۇندەرى (جەتىساي ق.) تەستىلەۋدى تاپسىرۋ مۇمكىندىگىنە يە بولادى جانە ءبىلىم بەرۋ گرانتتارىن تاعايىنداۋ كونكۋرسىنا قاتىسا الادى.

ەستەرىڭىزگە سالايىق، بيىل مەكتەپ بىتىرۋشىلەر مەملەكەتتىك ەمتيحانداردى تاپسىرۋدان بوساتىلدى، تالاپكەرلەرگە كالكۋلياتور پايدالانۋعا رۇقسات بەرىلدى، سونداي-اق تەستىلەۋ ۋاقىتى ۇزارتىلدى.