قاراعاندىلىق تۇلەكتى ا ق ش- تىڭ ءتورت بىردەي وقۋ ورنى ءبىلىم الۋعا شاقىردى

قاراعاندى. قازاقپارات - قاراعاندىلىق بالنۇر تۇلەنوۆانى ءبىر مەزگىلدە ا ق ش- تىڭ ءتورت ۋنيۆەرسيتەتى وقۋعا شاقىرىپ وتىر. ول حالىقارالىق ەمتيحان تاپسىرىپ، ناتيجەسىن الەمنىڭ بىرنەشە ۋنيۆەرسيتەتىنىڭ جالپى بازاسىنا جىبەرگەن، دەپ حابارلايدى قازاقپارات ءتىلشىسى.

بالنۇر تۇلەنوۆا قاراعاندى قالاسىنىڭ نىعمەت نۇرماقوۆ اتىنداعى دارىندى بالالارعا ارنالعان مامانداندىرىلعان مەكتەپ- ينتەرناتىن بىتىرگەن.

«مەنىڭ تۇلعا رەتىندە قالىپتاسۋىم وتباسىمدا باستالدى. اتا- انام ماعان سىن- قاتەردى قابىلداپ، قورقىنىش جانە كەمشىلىكتەرمەن كۇرەسۋ ءۇشىن قولىمنان كەلگەننىڭ بارلىعىن جاساۋ كەرەك دەپ تاربيەلەدى. بالا كەزىمنەن باستاپ انام مەن اكەم ماعان ءاردايىم باسەكەگە دايىن، ءبىرىنشى كەزەكتە وزىممەن كۇرەسۋدى، ءارقاشان جوعارى دەڭگەيگە شىعۋدى ۇيرەتتى. ال ومىرلىك جاعدايلار اتا- انامنىڭ ماعان ۇيرەتكەن داعدىلارىن دامىتۋعا، جەكە باسىمنىڭ قالىپتاسۋىنا جانە كىم بولعىم كەلەتىنىن تۇسىنۋگە مۇمكىندىك بەرگەن سەرپىن بولدى»، - دەيدى بالنۇر.

بويجەتكەن ورىس، قازاق، فرانسۋز، اعىلشىن جانە تۇرىك تىلدەرىن مەڭگەرگەن. ونى ەكونوميكا، الەۋمەتتانۋ جانە جاراتىلىستانۋ عىلىمدارى قىزىقتىرادى.

«شەتەلدىك ۋنيۆەرسيتەتتەر بولاشاق ستۋدەنتتەردىڭ وزىندىك دامۋىنا، موتيۆاتسياسىنا، ىشكى سيپاتى مەن دۇنيەتانىمىنا ۇلكەن ءمان بەرەدى. مەنىڭ موتيۆاتسيالىق حاتىمدى وقىپ، ولار تاڭ قالدى. بەس ءتىلدى بىلۋدەن باسقا، مەن filmmaking and photography-مەن، سونداي- اق ەكولوگيالىق جوبالارمەن اينالىسامىن، ماتەماتيكا بويىنشا وليمپيادالارعا قاتىستىم. اينالىساتىن جانە وقيتىن دارىستەرىمنىڭ ءتىزىمى اۋقىمدى. ۋنيۆەرسيتەتتەر تۇلعا رەتىندە قالىپتاسىپ كەلە جاتقان جاستاردى ىزدەيدى. بويىمدا ارماندارىمدى جۇزەگە اسىرۋ ءۇشىن جەتكىلىكتى كۇش، ءبىلىم جانە مۇمكىندىكتەر بولسا دەيمىن. بولاشاقتا ءوز بيزنەس- جوبالارىمدى جۇزەگە اسىرعىم كەلەدى»، - دەدى بالنۇر تۇلەنوۆا.

10-سىنىپتا ول حالىقارالىق ەمتيحان تاپسىرىپ، ناتيجەسىن ۋنيۆەرسيتەتتەردىڭ جالپى بازاسىنا جىبەرگەن. كوپ كۇتپەستەن وعان وقۋعا شاقىرۋ كەلدى. بالنۇر رود- ايلەند شتاتىنىڭ ۋنيۆەرسيتەتىنە توقتالدى. بۇل وقۋ ورداسىندا ءبىلىم الۋ قۇنى - جىلىنا 80 مىڭ ا ق ش دوللارىنا دەيىن. ءساتتى تاپسىرىلعان ەمتيحان قاراعاندىلىق تۇلەككە تەگىن وقۋعا مۇمكىندىك بەرەدى. ءبىلىم الىپ، بالنۇر حالىقارالىق كومپانيالاردا جۇمىس تاجىريبەسىن جيناقتاۋدى جوسپارلاپ وتىر. سودان كەيىن ءوز ءىسىن اشىپ، ەل ەكونوميكاسىن قولداۋ ءۇشىن قازاقستانعا ورالماق.

اۆتور: اگاتا مۋحامەدجانوۆا