08:59, 23 - ماۋسىم 2020 | GMT +6
نۇر-سۇلتاندا قايتادان بلوكپوستار قويىلا ما؟
نۇر-سۇلتان. قازاقپارات - نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا «نۇر-سۇلتاندا قايتادان بلوكپوستار قويىلۋى مۇمكىن بە؟» دەگەن سۇراققا جاۋاپ بەردى، دەپ حابارلايدى قازاقپارات ءتىلشىسى.
«قالاداعى ەپيدەميولوگيالىق جاعداي كۇن سايىن باقىلاۋدا، سوندىقتان وتكەن اپتادا قالانىڭ باس سانيتار دارىگەرىنىڭ قاۋلىسىمەن دەمالىس كۇندەرىنە كارانتين جاريالاندى. ەندى وسى كۇندەردىڭ جاي-كۇيىنە قاراي قالانىڭ باس سانيتار دارىگەرى شەشىم قابىلدايدى»، - دەدى باسقارما باسشىسى ورتالىق كوممۋنيكاتسيالار قىزمەتىندە وتكەن ونلاين بريفينگتە.
بۇعان دەيىن سپيكەر ەلوردادا جەدەل جاردەم بازاسىنداعى كولل-ورتالىققا جۇگىنۋشىلەر سانى كۇرت وسكەنىن حابارلاعان ەدى.
سونىمەن بىرگە، نۇر-سۇلتاندا كوروناۆيرۋس ينفەكتسياسىن جۇقتىرعاندار سانى ءۇش ەسە ارتتى، 50 ناۋقاس جاساندى وكپە جەلدەتۋ اپپاراتىنا قوسىلعان.