ۇ ب ت- عا ۇيالى تەلەفون الىپ كىرگەن ەكى تۇلەكتىڭ تەست ناتيجەسى جويىلدى

پەتروپاۆل. قازاقپارات - سولتۇستىك قازاقستان وبلىسىندا ۇلتتىق ءبىرىڭعاي تەستىلەۋدىڭ ەرەجەسىن بۇزىپ، سىناقتان وتۋگە وزىمەن بىرگە ۇيالى تەلەفون الىپ كىرگەن ەكى تۇلەكتىڭ ناتيجەسى جوققا شىعارىلدى، دەپ حابارلايدى قازاقپارات ءتىلشىسى.

س ق و ءبىلىم باسقارماسى باسپا ءسوز قىزمەتىنىڭ مالىمەتىنشە، وڭىردە ۇ ب ت 21- ماۋسىمدا باستاۋ الدى. بيىلعى تۇلەكتەر ءۇشىن ول كارانتيندىك شارالارعا قاتىستى 30- ماۋسىمعا دەيىن جالعاسادى.

وڭىردە بارلىق مەكتەپ ءبىتىرۋشىنىڭ %75,2، ياعني 2,5 مىڭعا جۋىق تۇلەك ۇ ب ت- عا قاتىسادى. 21- ماۋسىم كۇنى جاستاردىڭ العاشقى لەگى جامبىل جانە جۇمابايەۆ اۋداندارىندا تەست تاپسىردى. ءبىرىنشى كۇننىڭ قورىتىندىسى بويىنشا ەسكەرتۋ بولعان جوق.

كەشە جامبىل، ع. مۇسىرەپوۆ، م. جۇمابايەۆ جانە ايىرتاۋ اۋداندارىندا 311 تۇلەك تەستىلەۋگە قاتىستى. الايدا ەكى تالاپكەردىڭ وزىمەن بىرگە ۇيالى تەلەفون الىپ كىرگەنى انىقتالىپ، ولاردىڭ تەست جاۋاپتارى كۇشىن جويدى.

جالپى س ق و- دا ۇ ب ت سەگىز نىساندا وتەدى. پەتروپاۆل مەكتەپتەرىنىڭ تۇلەكتەرى 24- ماۋسىمنان باستاپ م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە تەست تاپسىرادى.

«بيىل پەتروپاۆل بويىنشا 1629 ادام تەست تاپسىرۋعا ءوتىنىش بەردى. بۇل - مەكتەپ جانە كوللەدج تۇلەكتەرى. بيىل ەرەكشەلىك كوپ. بۇرىن ءبىر لەكتە 580 ادام تەستىلەۋگە قاتىسسا، ەندى 180 ادامنان اسىرا المايمىز. ءبىر اۋديتوريادا 20 ادامنان ارتىق بولماۋى كەرەك. تۇلەكتەر عيماراتقا كىرمەس بۇرىن ارنايى توننەلدەن ءوتىپ، دەزينفەكتسيالانادى. مىندەتتى تۇردە ماسكا كيىپ، الەۋمەتتىك اراقاشىقتىقتى ساقتايدى»، - دەيدى قابىلداۋ كوميسسياسىنىڭ جاۋاپتى حاتشىسىنىڭ ورىنباسارى الماس كەنجەعالين.

بيىل سونداي-اق ۇ ب ت تۇلەكتەردىڭ رۇقسات ەتىلمەگەن زاتتاردى وزدەرىمەن الىپ كىرمەۋىنە اسا ءمان بەرىلەدى. مامانداردىڭ ايتۋىنشا، تالاپتى بۇزعاندار بىردەن عيماراتتان شىعارىلىپ، ۇ ب ت ناتيجەسى جويىلادى جانە سىناقتان تەك كەلەر جىلى عانا قايتا وتەدى. بۇعان دەيىن ۇ ب ت العاشقى كۇنىندە 164 تۇلەكتەن تەست تاپسىرۋ بارىسىندا رۇقسات ەتىلمەگەن زاتتاردىڭ الىنعانىن ايتقان ەدىك. ال ۇ ب ت شەتتەتىلگەن بالالارمەن ارنايى پسيحولوگتار جۇمىس ىستەمەك.