قاراعاندىدا وزەن قارا تۇسكە بويالىپ، جايىلىم لاستاندى: ەكولوگتار سەبەبىن انىقتاپ جاتىر
بۇل جونىندە ق ر ەكولگيا، گەولوگيا جانە تابيعي رەسۋرستار مينيسترلىگىنە سىلتەمە جاساپ قازاقپارات حابارلايدى.
قاراعاندى وبلىسىنداعى كۋريانوۆسكيي كەنتىنىڭ تۇرعىندارى وبلىستىق ەكولوگيا دەپارتامەنتىنە شاعىمداندى.
اۋىل حالقى «KAZ فەرريت» ج ش س جەردىڭ رەلەفىنە لاستانعان قارا سۋدى ۇنەمى توگەتىنىن ايتىپ حات جازعان.
سالدارىنان ول ۆەسنيانكا وزەنىنە جانە توپىراققا وتەدى، ءسويتىپ وزەن اعىسىنان تومەن جايىلىمداردى لاستايدى.
«وسى فاكت بويىنشا قاراعاندى وبلىسى بويىنشا ەكولوگيا دەپارتامەنتىنىڭ قىزمەتكەرلەرى اۋىلعا بارىپ، سۋدا لاستاۋشى زاتتاردىڭ بار-جوعىن انىقتاۋ ءۇشىن سۋ سىناماسىن ىرىكتەپ الدى. سونداي-اق توپىراق سىناماسىن الدى. قازىرگى ۋاقىتتا تالداۋلارمەن جۇمىس جۇرگىزىلىپ جاتىر. ناتيجەلەرى قوسىمشا حابارلانادى» دەپ ءمالىم ەتتى مينيسترلىكتەن.
سونىمەن قاتار، قازىرگى ۋاقىتتا «KAZ فەرريت» ج ش س- نە قاتىستى جوسپاردان تىس تەكسەرىس ۇيىمداستىرۋ ماسەلەسى قارالىپ جاتىر.
قورىتىندى تۋرالى قوسىمشا حابارلانادى.