ورالدا ادام ءولتىرىپ، مۇردەسىن اجەتحانا شۇڭقىرىنا لاقتىرىپ تاستاعان تۇرعىن سوتتالدى
ب ق و قىلمىستىق ىستەر جونىندەگى مامانداندىرىلعان اۋدانارالىق سوتىنان تۇسكەن مالىمەتكە قاراعاندا، ءىس «TrueConf» موبيلدىك بەينەبايلانىس جۇيەسى ارقىلى قارالدى. سوت تالقىسىندا ءمالىم بولعانىنداي، وقيعا وتكەن جىلى 2- قاراشا كۇنى كەشكىسىن ورىن الدى.
ساعات 20.30 شاماسىندا م. اجىبايەۆ ءا. كەردەرى كوشەسى 79- ءۇيدىڭ جانىنان ە. قۇسانوۆانى وزىنە بەيتانىس ا. جولايەۆتىڭ قاسىنان كورىپ، قىزعانعان.
سودان كەيىن ە. قۇسانوۆانى اتالعان ءۇيدىڭ اۋلاسىنا سۇيرەپ كىرگىزىپ جىبەرىپ، ا. جولايەۆتى اياق-قولىمەن ۇرىپ-سوققان. ا. جولايەۆ قاشىپ قۇتىلماق بولىپ، ءۇيدىڭ اۋلاسىنا كىرگەن مەزگىلدە پىشاقپەن سول جاق يىعىنا كوپتەگەن سوققى جاساعان. ا. جولايەۆ يىق قان تامىرىنان العان اۋىر جاراقات سالدارىنان سول جەردە جان تاپسىرعان. م. اجىبايەۆ ا. جولايەۆتىڭ ولگەنىنە كوز جەتكىزىپ، قۇنى 100 مىڭ تەڭگە تۇراتىن «Samsung Galaxy J2 Prime Duos» ۇيالى تەلەفونىن جىمقىرىپ كەتكەن.
سوسىن قىلمىستىڭ ءىزىن جاسىرۋ ماقساتىمەن مارقۇمنىڭ مۇردەسىن اجەتحانا شۇڭقىرىنا لاقتىرىپ تاستاعان.
سۋديا شارا زاينۋللينانىڭ ايتۋىنشا، م. اجىبايەۆ ءوز ايىبىن تولىق مويىنداماعانىنا قاراماستان، ونىڭ كىناسى سوتتا دالەلدەندى. سوتتالۋشى ق ر ق ك 99-بابى 1-بولىگىنە (ادام ءولتىرۋ) جانە 188-بابى 1-بولىگىنە (ۇرلىق) سايكەس ايىپتى دەپ تانىلدى. سوت جازا تاعايىنداعان كەزدە قىلمىستىڭ سيپاتى مەن قوعامعا قاۋىپتىلىگىن، سوتتالۋشىنىڭ جەكە باسى مەن اۋىرلاتاتىن ءمان-جايلاردى ەسكەردى.
ق ر ق ك 99-بابى 1-بولىگىنە سايكەس 8 جىلدان 15 جىلعا دەيىن جازا كوزدەلگەن. ق ر ق ك 58-بابى 3-بولىگىنە سايكەس جازانى ءىشىنارا قوسۋ ارقىلى م. اجىبايەۆ تۇپكىلىكتى 14 جىلعا باس بوستاندىعىنان ايىرىلدى.
ق ر ق ك 14-بابى 2-بولىگى 2-تارماعىندا كوزدەلگەنىندەي، م. اجىبايەۆتىڭ ءىس-ارەكەتىندە قاۋىپتى رەتسيديۆ تانىلعاندىقتان، جازاسىن توتەنشە جاعدايداعى قىلمىستىق-اتقارۋ جۇيەسى مەكەمەسىندە وتەۋ بەلگىلەندى. سوت ۇكىمى كۇشىنە ەنگەن جوق.