وزبەكستان پرەزيدەنتى ەلباسىنىڭ دەنساۋلىعىنا الاڭداۋشىلىق ءبىلدىردى

None
None
نۇر-سۇلتان. قازاقپارات - شاۆكات ميرزيەيەۆ ەلباسىنىڭ كوروناۆيرۋس جۇقتىرعانى تۋرالى حاباردى ۇلكەن الاڭداۋشىلىقپەن قابىلدادى.

بۇل تۋرالى قازاقپارات elbasy.kz سايتىنا سىلتەمە جاساپ حابارلايدى.

«سىزگە وسىناۋ قيىن-قىستاۋ ۋاقىتتا جان-جاقتى قولداۋ كورسەتۋگە جانە جانىڭىزدا بولۋعا دايىن ەكەنىمدى جەتكىزگىم كەلەدى. جاقىن ارادا ءسىزدىڭ بۇل ۆيرۋستى جەڭىپ، ساۋىعىپ كەتەتىنىڭىزگە سەنىمدىمىن. قۇرمەتتى نۇرسۇلتان ءابىش ۇلى، اللا تاعالا سىزگە زور دەنساۋلىق، كۇش-قۋات، ۇزاق عۇمىر جانە جاڭا تابىس بەرسىن دەپ تىلەيمىن. جاقىندا وزىڭىزبەن جۇزدەسۋ مۇمكىندىگى تۋادى دەگەن ۇمىتتەمىن»، - دەلىنگەن جەدەلحاتتا.

ايتا كەتسەك، بۇگىن ەلباسىنىڭ باسپا ءسوز حاتشىسى ايدوس ۇكىباي قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ Covid-19-عا تاپسىرعان سىناماسى وڭ ناتيجە كورسەتكەنىن حابارلاعان ەدى.

سوعان قاراماستان نۇرسۇلتان ءابىش ۇلى ءوزىن-ءوزى وقشاۋلاپ، قاشىقتان جۇمىس ىستەۋدى جالعاستىرۋدا.

سوڭعى جاڭالىقتار