اقمولا وبلىسىنىڭ دارىگەرلەرى كوروناۆيرۋسپەن كۇرەستى كۇشەيتۋدە

كوكشەتاۋ. قازاقپارات - اقمولا وبلىسىنىڭ مەديتسينالىق مەكەمەلەرى كوروناۆيرۋسپەن كۇرەسۋ ءۇشىن قوسىمشا جابدىقتار ساتىپ الدى.

بۇل تۋرالى جۋرناليستەرمەن وتكەن ونلاين بريفينگتە وبلىستىق دەنساۋلىق ساقتاۋ باسقارماسىنىڭ باسشىسى سۇلەن ءىلياسوۆ ايتتى، دەپ حابارلايدى قازاقپارات ءتىلشىسى.

«ەمدەۋ شارالارىن ودان ءارى ءتيىمدى جۇرگىزۋ ءۇشىن دەنساۋلىق ساقتاۋ باسقارماسى وكپەنى جاساندى جەلدەتەتىن 17 اپپارات، ناۋقاس مونيتورى، كوپبەيىندى كەرۋەت، ناركوز-تىنىس الۋ ەكى اپپارات، 10 ەلەكترلى سورعىش ساتىپ الىندى»، - دەدى سۇلەن ءىلياسوۆ.

جابدىقتار توتەنشە جاعدايعا ارنالعان رەزەرۆتەگى قاراجاتقا ساتىپ الىندى.

«ستانتسيونارلاردا ءۇش جۇزدەن استام مەديتسينالىق قىزمەتكەر تارتىلدى. ونىڭ 69 دارىگەر، 139 ورتا مەديتسينالىق قىزمەتكەر، 132 ءبىزدىڭ پەرسونال»، - دەپ تولىقتىردى سۇلەن ءىلياسوۆ.

سونىمەن بىرگە، كەرۋەتتەر سانى 573 دەن 837 دەيىن ۇلعايتىلدى. ونىڭ 162 جۇقپالى اۋرۋلار ستاتسيونارىندا. ەگەر ادامدار وزدەرىنىڭ جاۋاپكەرشىلىگىن ارتتىرماسا، بۇل شارالار كومەكتەسپەيدى. بۇگىنگى تاڭدا وبلىستىق تۋبەركۋلەزگە قارسى ديسپانسەرىنىڭ جۇقپالى اۋرۋلار ستانتسيونارىندا 76 ناۋقاس ەم قابىلداۋدا، ونىڭ بەسەۋىنىڭ جاعدايى اۋىر. ال، اۋرۋ بەلگىلەرى بىلىنبەيتىن ناۋقاستار امبۋلاتوريالىق جاعدايدا ەم الۋدا. ۇيدە ەمدەلۋىنە جاعدايى جوقتار بۋراباي كەنتىندەگى «بۋراباي» وبلىستىق بالالاردى وڭالتۋ ورتالىعىندا 30 ادامعا ارنالعان كارانتيندىك ستانتسيونارعا ورنالاستىرىلادى. ءار ءبىر ناۋقاسقا پۋلسوكسيمەتر بەرىلەدى. ولار تاۋلىگىنە ەكى ولشەپ مەديتسيتسينالىق قىزمەتكەرگە بەرەدى»، - دەيدى باسقارما باسشىسى.

ايتا كەتەيىك، بيىلعى جىلدىڭ ناۋرىز ايىنان باستاپ، ءوڭىردىڭ جۇقپالى اۋرۋلار ستانتسيونارىندا 250 ناۋقاس ەمدەلدى. ونىڭ ىشىندە 46 ادامنىڭ جاعدايى اۋىر بولدى. ءبىراق، سوعان قاراماستان ولار ۆيرۋستان ايىعىپ شىقتى. سوڭعى تاۋلىكتىڭ ىشىندە 15 ادامنىڭ كوروناۆيرۋس جۇقتىرعانى تىركەلسە، ونىڭ ەكەۋى كوكشەتاۋ قالاسىنىڭ ۇلەسىندە.