ەلوردادا سۇرانىسقا يە جۇمىسشى ماماندىقتارى انىقتالدى
بيىل ولار بويىنشا قىسقا مەرزىمدى تەگىن كۋرستار وتەدى، دەپ حابارلايدى قازاقپارات ءتىلشىسى «اتامەكەن» پالاتاسىنا سىلتەمە جاساپ.
2017-2021 -جىلدارعا ارنالعان «ەڭبەك «ءونىمدى ەڭبەك پەن جاپپاي كاسىپكەرلىكتى دامىتۋ باعدارلاماسى اياسىندا ەڭبەك نارىعىندا ۇلكەن سۇرانىسقا يە ماماندىقتاردى وقىتۋ «اتامەكەن» ۇ ك پ جانىنداعى وقۋ ورتالىقتارىندا جۇرگىزىلەدى. قازىرگى ۋاقىتتا بۇل تىزىمگە 80 وقۋ ورتالىعى كىرەدى. ونىڭ 54 ى كاسىپورىندار، 7 ەۋى كولەدجدەر، 3 ەۋى قاۋىمداستىقتار جانىندا ورنالاسسا، 16 سى دەربەس جۇمىس ىستەيدى.
«ەلوردا اكىمدىگى جانىنداعى جۇمىسپەن قامتۋ ماسەلەلەرى جونىندەگى ۆەدومستۆوارالىق كوميسسيا وتىرىسىندا وسى جىلى دايىندىق جۇرگىزۋ جوسپارلانعان مىناداي سۇرانىسقا يە ماماندىقتار كىرىپ وتىر: اسپاز، كونديتەر، ناۋبايشى، باقىلاۋشى-كاسسير، تاربيەشى كومەكشىسى، تىگىنشى، شاشتاراز، انيماتسيا- ۆيدەوگرافيكا، جيھاز جاساۋشى، اعاش سىرلاۋ تسەحىنىڭ شەبەرى، ەلەكتر- گاز دانەكەرلەۋشى، ەلەكتر ۇستاسى، گاز قۇرال- جابدىقتارىن قۇراستىرۋ جانە جوندەۋ ۇستاسى، جارتىلاي اۆتوماتتاندىرىلعان ماشيناداعى ەلەكتر دانەكەرلەۋشى، ارماتۋراشى جانە مونتاجداۋشى»، - دەدى نۇر-سۇلتان قالالىق كاسىپكەرلەر پالاتاسىنىڭ ديرەكتور الماتى ءجۇنىسوۆ.
ونىڭ اتاپ وتۋىنشە، 2020 -جىلى قىسقا مەرزىمدى كاسىپتىك وقىتۋ باعدارلاماسىمەن ەلوردادا 200 ادام قامتىلاتىن بولادى. ءبىلىم الاتىن ازاماتتارعا مەملەكەت تاراپىنان شاكىرتاقى تۇرىندە قولداۋ كورسەتىلىپ، وقۋىن اقياتاعاننان كەيىن جاڭا بيزنەس-يدەياسىن جۇزەگە اسىرۋ ءۇشىن گرانت بەرىلەدى.