الماتىنىڭ حيرۋرگتەرى اۋىر جاراقات العان موتوتسيكلشى بوزبالانى اياعىنان تىك تۇرعىزدى

None
None
الماتى. قازاقپارات - الماتىداعى 4№ قالالىق كلينيكالىق اۋرۋحانانىڭ قابىلداۋ بولىمىنە مىقىن بۋىنىنا تۇسكەن سيرەك ءارى كۇردەلى جاراقاتپەن 17 جاستاعى جىگىت جەتكىزىلگەن.

بوزبالا موتوتسيكلدەن قۇلاپ جاراقات العان، دەپ حابارلايدى قازاقپارات ءتىلشىسى.

«كومپيۋتەرلىك توموگرافيا جۇرگىزىلىپ، دياگنوز قويىلدى: ورتان جىلىكتىڭ باس جاعى سىنعان، جانشىلعان، ورتان جىلىك جامباستان تايىپ كەتكەن. مۇنداي جاعدايلار جول-كولىك وقيعاسى كەزىندە كەزدەسەدى»، - دەپ حابارلايدى قالالىق دەنساۋلىق ساقتاۋ باسقارماسىنان.

ورتان جىلىكتىڭ جامباستان شىعىپ كەتۋى - اۋىر جاراقات. ونى جازۋ ءۇشىن ورتان جىلىكتىڭ شىعىپ كەتكەن باس جاعىن شۇعىل الىپ تاستاۋ كەرەك. اۋىر وتا قاجەت. جەدەل ەم-دوم قابىلداۋ ءۇشىن كومپيۋتەرلىك توموگرافيا جاسالۋى ءتيىس. جاعداي سيرەك كەزدەسەتىندىكتەن ەمحانا دارىگەرلەرى ا ق ش- تىڭ جەتەكشى مامانى Djoldas Kuldjanov, MD، St-Louis-پەن جامباستىڭ سىنۋىنا قاتىستى ونلاين كەڭەس وتكىزدى. وتانىڭ جوسپارى، ەمدەۋ مەن وڭالتۋ ءادىسى ماقۇلداندى. ستاتسيوناردىڭ دارىگەرلەرى پاتسيەنتكە 3 ساعات بويى وتا جاسادى.

«بالكىم، ءبىز پاتسيەنتتى ءدال وسىنداي جاس كەزىندە جامباس بۋىنىنىڭ ەرتەدەن ەندوپروتەزدەنۋىنەن قۇتقارىپ العان سەكىلدىمىز. وتادان كەيىن ەسىن جيعان جاس جىگىت ەڭ ءبىرىنشى كەزەكتە موتوتسيكلگە وتىرماۋعا ۋادە بەردى. جاز ايلارى - موتوجاراقاتتاردىڭ كەزەڭى. ءبىز جولدا اباي بولۋعا، جىلدامدىق رەجيمىن ساقتاپ، مۇقيات جۇرۋگە شاقىرامىز»، - دەدى 4№ قالالىق كلينيكالىق اۋرۋحانانىڭ ورتوپەديالىق حيرۋرگيا ءبولىمىنىڭ جەتەكشىسى، جوعارى ساناتتى دارىگەر مەيرامبەك جۇماگۇلوۆ.

قازىرگى ۋاقىتتا جاس جىگىت اۋرۋحانادان ەمدەلىپ، ءوز اياعىمەن شىعىپ كەتكەن. وتانى 4№ قالالىق كلينيكالىق اۋرۋحانانىڭ تراۆماتولوگيا مەن حيرۋرگيا سالاسىنداعى جەتەكشى ماماندار جاساعان.

سوڭعى جاڭالىقتار