كارانتين: قىزىلوردادا بۇگىننەن باستاپ جاڭا شەكتەۋلەر ەنگىزىلدى
قىزىلوردا وبلىسىندا قاتەرلى ىندەتتىڭ تارالۋى الاڭداتارلىق. سوڭعى اپتادا ول 7 پايىزدان اسىپ كەتتى. ايماقتا ەپيدەميولوگيالىق احۋال كۇردەلەنە ءتۇستى. وسىعان وراي ىندەتتىڭ الدىن الۋ جانە تارالۋىنا جول بەرمەۋ ماقساتىندا قىزىلوردا وبلىسىنىڭ باس مەملەكەتتىك سانيتاريالىق دارىگەرىنىڭ 15№ قاۋلىسى قابىلداندى.
«مەنشىك نىسانىنا قاراماستان بارلىق جۇمىس جاساپ تۇرعان، كەزەڭ-كەزەڭىمەن ىسكە قوسىلعان سالالار مەن نىسانداردا كۇشەيتىلگەن سانيتاريالىق-دەزينفەكتسيالىق رەجيمدى جانە ق ر باس مەملەكەتتىك سانيتاريالىق دارىگەرىنىڭ قولدانىستاعى قاۋلىلارىمەن بەكىتىلگەن سانيتاريالىق-ەپيدەميولوگيالىق، سانيتاريالىق-دەزينفەكتسيالىق ەرەجەلەر الگوريتمدەرىن باسشىلىققا الىپ جۇمىس جاسالادى»، - دەدى قىزىلوردا وبلىسى اكىمىنىڭ ورىنباسارى ناۋرىزباي بايقاداموۆ.
اتالعان قاۋلى بۇگىن ساعات 00:00 دەن باستاپ كۇشىنە ەندى.
قاۋلى نەگىزىندە بىرنەشە شەكتەۋ جانە كارانتيندىك شارالارعا وزگەرىستەر ەنگىزىلدى.
«اتاپ ايتقاندا ەندى كوپشىلىك ءىس-شارالاردى، ۇجىمدىق بارلىق جيىنداردى وتكىزۋگە بولمايدى. بالا باقشالاردىڭ كەزەكشى توپتارىن قوسپاعاندا، مەنشىك نىسانىنا قاراماستان بارلىق بالاباقشالاردىڭ جۇمىسىنا، مەشىتتەردە جۇما نامازىن وتكىزۋدى، ءدىني ۇيلەردە داستۇرلىك شارالار وتكىزۋگە تىيىم سالىندى. شەكتەۋ شارالارىنان كەزەڭ-كەزەڭمەن جەڭىلدەتۋ كەزىندە جۇمىستى قايتا باستاعان سالالار مەن وبەكتىلەردىڭ تىزبەسىن قوسپاعاندا، مەنشىك نىسانىنا قاراماستان بارلىق بالالارعا ارنالعان جازعى تىنىعۋ، ساۋىقتىرۋ جانە مەكتەپ جانىنداعى كۇندىزگى لاگەرلەر جۇمىسىن جۇرگىزۋگە بولمايدى. سونداي-اق، تاۋلىكتىك پاتەرلەر مەن ۇيلەردى جالعا بەرۋ جانە الۋ، ءۇي-جايلارداعى بالالار ويىن الاڭدارىنىڭ، كينوتەاترلار، تۇنگى كلۋبتار جانە فۋت-كوردتار قىزمەتتەرىنە، وقۋشىلاردىڭ جانە مەكتەپ جاسىنا دەيىنگى بالالاردىڭ ەكسكۋرسياسىنا تىيىم سالىندى»، - دەدى قىزىلوردا وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى، وبلىستىڭ باس مەملەكەتتىك سانيتار دارىگەرى ءاليا ءابدىقايىموۆا.
قىزىلوردا وبلىسىندا كوروناۆيرۋس ينفەكتسياسىنىڭ سيمپتومدى تۇرىنە شالدىققان 507 ادام بار. ونىڭ ىشىندە 457 ادام سىرقاتىنان جازىلىپ شىقتى. سونداي-اق، وبلىستا قاتەرلى ىندەتتىڭ سيمپتومىنسىز 158 ادام تىركەلگەن.