الماتىدا حالىققا قىزمەت كورسەتۋ ورتالىقتارىنىڭ جۇمىس كەستەسى وزگەردى

الماتى. قازاقپارات - الماتى باس مەملەكەتتىك سانيتارلىق دارىگەرىنىڭ قاۋلىسىنا سايكەس حالىققا قىزمەت كورسەتۋ ورتالىقتارىنىڭ جۇمىس كەستەسى وزگەردى، دەپ حابارلايدى قازاقپارات ءتىلشىسى.

ەندى قالاداعى بارلىق حالىققا قىزمەت كورسەتۋ ورتالىقتارى ازاماتتاردى كۇندەلىكتى ساعات 10.00-دەن 16.00-گە دەيىن قابىلدايدى.

«وسىعان بايلانىستى الماتى قالاسىنىڭ حالىققا قىزمەت كورسەتۋ بولىمدەرىندە قىزمەت الۋ ءۇشىن كەزەكتى ساعات 15.30-عا دەيىن برونداۋ قاجەت. ودان كەيىنگى برون جارامسىز دەپ سانالادى»، - دەدى «ازاماتتارعا ارنالعان ۇكىمەت» ا ق الماتى بولىمشەسىنىڭ باسپا ءسوز قىزمەتى.

ايتا كەتۋ كەرەك، كەشە قالانىڭ باس سانيتارلىق دارىگەرى جانداربەك بەكشين بازارلار، ح ق ك و جۇمىسىنىڭ ۋاقىتى وزگەرەتىنىن ايتقان بولاتىن.