ۇ ب ت- دا وقۋ جىلىنىڭ ءتورتىنشى توقسانىنداعى تاپسىرمالار كەزدەسپەيدى

None
None
نۇر-سۇلتان. قازاقپارات - ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ كوروناۆيرۋس جۇقتىرعان تالاپكەر ۇ ب ت- نى قالاي تاپسىراتىنىن ءتۇسىندىردى، دەپ حابارلايدى قازاقپارات ءتىلشىسى.

«ۇ ب ت- دا وقۋ جىلىنىڭ ءتورتىنشى توقسانىنداعى تاپسىرمالار كەزدەسپەيدى. جالپى، ءتورتىنشى توقساندا بالالار وتكەن ماتەريالداردى قايتالادى. ياعني، بۇدان بۇرىن وتكەن تاقىرىپتاردى تاعى ءبىر شولىپ شىقتى. سايكەسىنشە، جاڭا تاقىرىپ بولمايدى. توتەنشە جاعداي كەزىندە بارلىق ماكەتتەردى قايتا تەكسەردىك»، - دەدى د. سماعۇلوۆ ورتالىق كوممۋنيكاتسيالار قىزمەتىندە.

سونىمەن قاتار ول ۇ ب ت كەزىندە بالالارعا كالكۋلياتور پايدالانۋعا رۇقسات ەتىلگەنىن ەسكە سالدى. دەگەنمەن تەست تاپسىرۋشىلار وزىمەن بىرگە ەسەپتەۋىش قۇرالداردى اكەلە المايدى. اۋديتوريالاردا ءار ورىنعا كالكۋلياتور قويىلادى.

ۇلتتىق تەستىلەۋ ورتالىعىنىڭ ديرەكتورى وتىنىشتەر بويىنشا تەستىلەۋ ۋاقىتى تاعى 10 مينۋتقا ۇزارتىلعانىن، ۇ ب ت ۋاقىتى 4 ساعات بولاتىنىن اتاپ ءوتتى.

بۇدان بۇرىن حابارلانعانداي، ديدار سماعۇلوۆ بيىلعى ۇ بت- نى وتكىزۋ ءتارتىبى جايىندا تۇسىنىك بەردى.

كارانتيندىك شەكتەۋلەرگە بايلانىستى ەلدىڭ بارلىق ايماقتارىنداعى ۇ ب ت وتكىزۋ ورىندارىندا كۇشەيتىلگەن مەديتسينالىق-سانيتارلىق شارالار ەنگىزىلەدى. عيماراتقا كىرگىزۋ كەزىندە تەست تاپسىرۋشىلاردىڭ اراسىنداعى ەكى مەترلىك اراقاشىقتىقتى قاتاڭ ساقتاۋ ارقىلى ماسكالى رەجيم جۇزەگە اسىرىلادى.

ءار تەست تاپسىرۋشى 5 باقىلاۋ كەزەڭىنەن وتەتىن بولادى، ونىڭ ىشىندە سىرتقى كيىمدى دەزينفەكتسيالىق ەرىتىندىلەرمەن زالالسىزداندىراتىن ارنايى ءدالىز ارقىلى ءوتۋ ەسكەرىلگەن.

سوڭعى جاڭالىقتار