ەلوردادا بالاباقشا، كينوتەاتر جانە ويىن ورتالىقتارى اشىلمايتىن بولدى
قالا اكىمدىگى بالاباقشالار كەزەكشى توپتار ارقىلى، ياعني ءبىر توپتا 15 بالادان جۇمىسىن جالعاستىراتىنىن حابارلايدى. ەڭ ءبىرىنشى كەزەكتە بالالارىن ۇيىنە قالدىرۋعا مۇرشاسى جوق اتا- انالار ءۇشىن قىزمەت ەتەدى.
مەكتەپكە دەيىنگى ۇيىمعا بارماعان جاعدايدا بالانىڭ ورىنى ساقتالادى. بالاباقشاعا قابىلداۋ ءۇشىن ۋچاسكەلىك پەدياتردىڭ بالانىڭ دەنساۋلىعى جايلى انىقتاماسى بولۋى ءتيىس. بالانى بالاباقشاعا قابىلدار الدىندا تاربيەشىلەر اتا-انالاردىڭ قاتىسۋىمەن جانە مەديتسينالىق قىزمەتكەردىڭ باقىلاۋىمەن بالانى مىندەتتى تەرمومەتريادان وتكىزىپ، تاڭەرتەڭ تەكسەرەدى.
قازىرگى تاڭدا كوروناۆيرۋستىڭ تارالۋ قاۋپى سەيىلمەي تۇر. سانيتاريا نورماسىن قاتاڭ ساقتاۋ كەرەك. ول ءۇشىن ماسكا تاعىپ، قولدى انتيسەپتيكپەن شايىپ، قاشىقتىقتى ساقتاعان ابزال.
قالانىڭ قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆانىڭ ايتۋىنا قاراعاندا سانيتاريا نورمالارىن ساقتاماۋدىڭ سالدارى شاھارداعى اۋرۋحانالاردىڭ ناۋقاستارعا تولىپ كەتۋ قاۋپىن تۋعىزۋى مۇمكىن. مۇنداي جاعدايدا دارىگەرلەر ناۋقاستاردىڭ بارىنە كومەك كورسەتە الماي قالۋى ىقتيمال.
«ينفەكتسيا قاۋپى ءتىپتى دەنساۋلىعى مىعىم زىڭگىتتەي جاستاردىڭ ءوزىن قالجىراتىپ جىبەرۋى مۇمكىن. اباي بولۋ كەرەك. ءبىر ادامنىڭ سەلقوستىعى ەكىنشى كىسىگە قاۋىپ توندىرمەۋى ءتيىس. كوروناۆيرۋس ساناۋلى كۇننىڭ ىشىندە ادامنىڭ اعزاسىن قۇرتۋى مۇمكىن. سول سەبەپتى ءوزىڭىز ۇيدە ەمدەلىپ الامىن دەپ ويلاماڭىز»، - دەيدى ساۋلە قيسىقوۆا.