مينيستر ارمەنيادان اكەلىنگەن كولىكتەرگە قاتىستى جاعدايدى ءتۇسىندىردى
«1- اقپانعا دەيىن اكەلىنگەن كولىكتەرگە ايقىندالعان شەشىم بار. ۇكىمەتتىڭ ءتيىستى قاۋلىسى قابىلداندى. ياعني، ول كولىكتەر ۋاقىتشا ەسەپكە قويىلىپ، سارى ءنومىر الىپ، كولىكتىك سالىقتى تولەي بەرەدى. ال قارجى مينيسترىگى تاراپىنان ءبىز ولاردى باقىلاۋعا الامىز. ال 1- اقپاننان كەيىن اكەلىنگەن كولىكتەرگە البەتتە زاڭناماعا سايكەس كەدەندىك باجدى تولەۋگە تۋرا كەلەدى»، - دەدى ەرۇلان جاماۋبايەۆ و ك ق الاڭىندا وتكەن حالىققا ەسەپ بەرۋ كەزدەسۋىندە.
قارجى ءمينيسترى ارميان رەسپۋبليكاسىنىڭ مەملەكەتتىك كىرىستەر ورگانى تاراپىنان دا سالىقتىق مىندەتتەمەلەر بويىنشا ماسەلە تۋىنداۋى مۇمكىن ەكەنىن ەسكەرتتى.
«ءبىز بۇل ماسەلەگە بايلانىستى ارميان تاراپىمەن كەلىسسوز جۇرگىزىپ جاتىرمىز. ءبىزدىڭ ەلدىڭ اۋماعىندا سول جاقتىڭ نومىرىندەگى كولىكتى جۇرگىزىپ جۇرگەندەر سالىقتى ءبىزدىڭ ەلدە تولەۋى كەرەك»، - دەدى ەرۇلان جاماۋبايەۆ.
اۆتور: ايان بەكەن ۇلى