+7 (701) 759 90 19
3 °С : نۇر-سۇلتان
9 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

«قاۋىپ ارتىپ جاتىر». نۇر-سۇلتان اكىمى ەلوردالىقتارعا ۇندەۋ جاسادى

11 ماۋسىم 14:29
:ءبولىسۋ
«قاۋىپ ارتىپ جاتىر». نۇر-سۇلتان اكىمى ەلوردالىقتارعا ۇندەۋ جاسادى

نۇر-سۇلتان. قازاقپارات - نۇر-سۇلتان اكىمى التاي كولگىنوۆ تۇرعىندارعا ۇندەۋ جاسادى.

«قۇرمەتتى ەلوردا تۇرعىندارى مەن قوناقتارى! ءبىز تاريحىمىزدا العاشقى رەت 3 ايدان استام ۋاقىتتان بەرى كارانتين رەجيمىندە ءومىر ءسۇرىپ كەلەمىز. توتەنشە جاعداي كەزەڭىن باستان كەشىردىك. قاتاڭ ءتارتىپتىڭ ارقاسىندا، ءوزىن-ءوزى وقشاۋلاۋدىڭ ناتيجەسىندە ءبىز قاۋىپتى كەزەڭنەن وتتىك. قازىرگى ۋاقىتتا كوپتەگەن كاسىپورىندار جۇمىسىن جانداندىردى. ازاماتتار جۇمىسىنا قايتا ورالدى. قوعامدىق كولىكتەر قايتا ءجۇرۋدى باستادى. ساياباقتار مەن قوعامدىق ورىندار ەسىگىن قايتا اشتى. ارينە وسىعان سايكەس ازاماتتاردىڭ دا سانى كوشەدە كوبەيدى. دەگەنمەن، ازاماتتاردىڭ كوبەيۋىنە بايلانىستى قاۋىپ ارتا تۇسۋدە. بىرنەشە ماسەلەگە كوڭىل اۋدارۋدى سۇرايمىن.

ءبىرىنشى، قازىر ءبىز بايقاعانىمىزداي اۋرۋ جۇقتىرۋ وشاقتارى وتباسىلارىندا پايدا بولۋدا. مىسالى، بالالارى، اتا-اناسى، اتا-اجەسى دە ۆيرۋستى جۇقتىردى. ناتيجەسىندە بۇكىل وتباسى مۇشەلەرىن اۋرۋحاناعا جاتقىزۋعا تۋرا كەلدى.

ەكىنشى، كوڭىل اۋدارۋدى تالاپ ەتەتىن ماسەلە بۇل ۇجىمداردا وشاقتار پايدا بولا باستادى. سوڭعى اپتاداعى ۆيرۋس انىقتالعان ازاماتتاردىڭ تەڭ جارتىسىنان كوبى ول ۇجىمدارداعى ازاماتتار. وتباسىندا دا جانە جۇمىس ورىنىندا دا سانيتارلىق نورمالاردىڭ، كارانتيننىڭ تالاپتارىنىڭ دۇرىس ساقتالماۋىنىڭ ەسەبىنەن دەپ ماماندار ايتادى.

سوندىقتان ءۇش ماسەلەگە كوڭىل اۋدارۋدى سۇرايمىن.

بىرىنشىدەن، قوعامدىق ورىنداردا، ازاماتتار كوپ شوعىرلاناتىن جەردە مىندەتتى تۇردە مەديتسينالىق ماسكانى تاعۋ قاجەت.

ەكىنشىدەن، قاراپايىم گيگيەنالىق نورمالاردى ساقتاۋدى ۇمىتپاۋىمىز قاجەت. اسىرەسە بالالارعا ايتىپ، وتباسىمىز بەن جۇمىسىمىزدا دا وسى ءتارتىپتى بۇزباۋىمىز كەرەك.

ۇشىنشىدەن، ازاماتتار كوپ شوعىرلاناتىن جەرگە بارۋدىڭ قاجەتى جوق جانە دە ديستانتسيانى ساقتاۋعا مىندەتتىمىز. تەك سوندا عانا ءبىز ۆيرۋستان قۇتىلامىز. تاجىريبە كورسەتكەندەي ۆيرۋس جاسقا قارامايدى. دەنى ساۋ ازاماتتار دا ۆيرۋستى جۇقتىرىپ، ءوز- ءوزىن ەمدەيمىن دەپ دەنساۋلىعىن قيىنداتا تۇسۋدە. جاس، تەپسە تەمىر ۇزەتىن ازاماتتار اۋرۋحاناعا تۇسۋدە. اۋىر حالدە جاتقان ازاماتتارىمىزدا بار.

ەگەر 600 دەن استام اۋرۋحانادا كارانتيندە بولسا، سونىڭ تەڭ جارتىسىنان كوبىندە پنيەۆمونيا دياگنوزى انىقتالعان. دەمەك، ناعىز قاۋىپتى توپقا جاتاتىندار. سونىڭ ىشىندە 34 دەنساۋلىعى اۋىر حالدە دەپ باعالانۋدا. ولاردىڭ 12 سى ي ۆ ل اپپاراتىنا قوسىلعان. كارانتين باستالعالى بەرى، توتەنشە جاعداي جاريالانعان كەزدە ءبىز كوپتەگەن مەكەمەلەردى جابۋعا ءماجبۇر بولدىق. ازاماتتارىمىز ۋاقىتشا جۇمىسسىز قالدى.

سوعان قاراماي مەملەكەتىمىز قىرۋار اقشا جۇمسادى. از قامتىلعان وتباسىلارعا كومەك كورسەتىلدى. ورتا جانە شاعىن بيزنەسقا ۇلكەن قولداۋ كورسەتىلدى. ەندى قازىر جۇمىستى جانداندىرعاننان كەيىن كاسىپورىن باسشىلارى سونى ۇمىتپاۋ كەرەك. بارلىعىمىز ايتىلعان تالاپتاردى ورىنداۋعا ءتيىستىمىز. ءبىز كۇندەلىكتى قاراپ، باقىلاپ ءجۇرمىز. ءبىراق، ازاماتتىق، الەۋمەتتىك جاۋاپكەرشىلىك بولۋ كەرەك. ەندىگى ورتاق مىندەتىمىز - ۆيرۋستىڭ تارالۋىنا جول بەرمەۋ. قاتاڭ ءتارتىپتى ساقتاساق، كارانتين رەجيمىنەن ەرتەرەك وتەمىز»، - دەلىنگەن اكىمنىڭ ۇندەۋىندە.

ايتا كەتەيىك، بۇگىندە قازاقستاندا كوروناۆيرۋس جۇقتىرعانداردىڭ سانى 13558 گە جەتتى. سونداي-اق، ءبىر تاۋلىكتە COVID-19 بەلگىلەرى جوق 393 تاسىمالداۋشى تىركەلگەن. ۆيرۋستان ايىققاندار سانى - 8345، قايتىس بولعاندار - 67.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات