قازاقستان قىتايعا تۇيەنىڭ قۇرعاق ءسۇتىن ەكسپورتتاي باستادى
ءوز ءونىمىن ەكسپورتتاۋدى Saumal جانە Saubota برەندتەرىمەن تانىمال «ەۆرازيا ينۆەست لتد» كومپانياسى باستادى. كوپتەن كۇتكەن ساتكە ەكى مەملەكەت دەڭگەيىندە جۇرگىزىلگەن اۋقىمدى جۇمىس تۇرتكى بولدى، دەپ حابارلايدى قازاقپارا ءتىلشىسى.
«كولەمى 3,5 توننادان اساتىن Saubota قۇرعاق تۇيە ءسۇتىنىڭ ءبىرىنشى پارتياسىن گانسۋ پروۆينتسياسىنىڭ لانجوۋ قالاسىنا جونەلتىلدى. وسىلايشا قازاقستاندىق تاۋاردىڭ ق حر- عا ەكسپورتتالۋىنىڭ رەسمي باستاماسى جۇزەگە اسىرىلدى. وسى ءساتتى ءبىز 5 جىل كۇتتىك. قىتاي نارىعىنا كىرۋ وتە قيىن بولعاندىقتان، ۇلكەن جۇمىس جۇرگىزىلدى»، - دەدى «ەۆرازيا ينۆەست ل ت د» ج ش س باس ديرەكتورى قادىربەك مەيرامبەكوۆ.
ءبىرىنشى قادام 2019 -جىلدىڭ قىركۇيەگىندە جاسالدى. مەملەكەت باسشىسى قاسىم- جومارت توقايەۆتىڭ ساپارى بارىسىندا قازاقستاننان قىتايعا ءسۇت ونىمدەرىن ەكسپورتتاۋ جونىندەگى حاتتاماعا قول قويىلدى. 2020 -جىلدىڭ قاڭتار ايىندا ءۇش قازاقستاندىق كاسىپورىن ق ح ر باس كەدەن باسقارماسىنىڭ يمپورتتاۋشىلار تىزىمىنە ەندى. ولاردىڭ قاتارىندا Saumal برەندى بار «ەۆرازيا ينۆەست ل ت د» ج ش س بولدى. قاراعاندى وبلىسىندا بيە سۇتىنەن ۇنتاق وندىرەتىن زاۋىت 2014 -جىلدان بەرى جۇمىس ىستەيدى. وتكەن جىلى كاسىپورىن تۇيەنىڭ قۇرعاق ءسۇتىن شىعارۋدى يگەردى.
«وتكەن جىلى ءبىز «قورعاس» ش ى ح و- عا 609 ميلليون تەڭگەگە ءوز ونىمدەرىمىزدى ساتتىق. ساتىلىم بيىلعى جىلى دا ارتادى دەپ ۇمىتتەندىك. ءبىراق قاڭتار ايىندا شەكارا جابىلدى، قازىرگى كۇنگە دەيىن قورعاستىڭ ساۋدا الاڭى جابىق بولدى. سوندىقتان، ءوندىرىستى سەرتيفيكاتتاپ، رۇقسات راسىمدەپ، قازىر قىتايعا ءبىرىنشى پارتيانى جىبەرەمىز» ، - دەدى قادىربەك مەيرامبەكوۆ.
باس ديرەكتوردىڭ ايتۋىنشا، زاۋىت ايىنا 2 توننا قۇرعاق ءسۇت وندىرەدى. قازاقستان رەسپۋبليكاسى اۋىل شارۋاشىلىق مينيسترلىگى مەن ق ر اۋىل شارۋاشىلىق ونىمدەرىن ەكسپورتتاۋشىلار قاۋىمداستىعى كومپانيانىڭ قىتاي نارىعىنا ىلگەرىلەۋىنە كومەكتەسكەن. قاۋىمداستىق ءتوراعاسى باۋىرجان باكشيلوۆتىڭ ايتۋىنشا، قازاقستاندىق ساۋدا ءۇيى يۋ قالاسىندا جۇمىس ىستەيدى، جاقىن ارادا شياندا وسىنداي الاڭ اشۋ جوسپارلانۋدا. قۇرعاق تۇيە ءسۇتىن قىتاي ەلىنە ەكسپورتتاۋ تۇراقتى بولادى دەپ كۇتىلۋدە.