جازدا تۇماۋدان قالاي ساقتانۋعا بولادى

نۇر- سۇلتان. قازاقپارات - قازاقستاندىقتارعا جازدا تۇماۋمەن اۋىرماۋ ءۇشىن بىرنەشە كەڭەس بەرىلدى، دەپ حابارلايدى قازاقپارات.

تاماقتىڭ قابىنۋ اۋرۋلارى قىسقى ۋاقىتتان گورى جازدا ءجيى كەزدەسەدى. سەبەبى ىستىق اۋا رايىندا سۋىق سۋ ءىشۋ، بالمۇزداق جەۋ نەمەسە كونديتسيونەر استىندا وتىرۋ جاعدايلارى ءجيى بولادى. وسى رەتتە، مىندەتتى الەۋمەتتىك مەديتسينالىق ساقتاندىرۋ جۇيەسىنىڭ Facebook-پاراقشاسىندا ىستىق كۇندە تۇماۋراتىپ قالماس ءۇشىن ءبىرقاتار كەڭەس بەرىلىپ وتىر:

1. تەمپەراتۋرانىڭ كۇرت وزگەرۋى - اعزا ءۇشىن سترەسس. بولمە تەمپەراتۋراسى 21°C تومەن بولماۋى كەرەك. ەڭ دۇرىسى، بولمەدەگى جانە كوشەدەگى اۋا تەمپەراتۋراسى اراسىنداعى ايىرماشىلىق 5-7°C اسپاۋى ءتيىس.

2. توڭازىتقىشتان سۋسىن ىشپەڭىز جانە ولارعا مۇز كەسەكتەرىن قوسپاڭىز. ىستىقتا بالمۇزداقتى ازداپ ەرىگەن سوڭ جەۋ قاجەت. سالقىن تاعام مەن سۋسىندى ولار اۋىز قۋىسىندا جىلىنىپ ۇلگەرەتىندەي از مولشەردە ءىشىپ، جەڭىز.

3. مۇرىنعا ارنالعان ىلعالداۋشى تامشىلاردى قولدانۋ، كوپ سۋ ءىشۋ، قولدى ۇنەمى جۋۋ نەمەسە انتيباكتەريالدى زاتتاردى پايدالانۋ كەرەك.

4. ەڭ ۇلكەن قاتەلىك - تەرلەپ تۇرعان كۇيى سالقىن سۋعا ءتۇسۋ. اعزانىڭ بىردەن سالقىنداۋى سۋىق تيۋگە اكەلىپ قانا قويماي، سونىمەن بىرگە جۇرەك- قان تامىرلارى جۇيەسىنە كەرى اسەر ەتۋى مۇمكىن.