15:02, 07 - ماۋسىم 2020 | GMT +6
اتىراۋداعى جارىلىس: زارداپ شەككەندەردىڭ ءبىرى كوز جۇمدى
اتىراۋ. قازاقپارات - اتىراۋدا گاز قۇيۋ ستانساسىنداعى جارىلىستان زارداپ شەككەندەردىڭ ءبىرى اۋرۋحانادا كوز جۇمدى، دەپ حابارلايدى قازاقپارات.
وقيعا 5 -ماۋسىمدا بولعان ەدى. جارىلىستان كۇيىك شالعان 4 ادام اۋرۋحاناعا ءتۇستى. سونىڭ ءبىرى - گاز تاسيتىن كولىكتىڭ جۇرگىزۋشىسى. وكىنىشكە قاراي، دەنەسىنىڭ 90 پروتسەنتى كۇيگەن ول اۋرۋحانادا قايتىس بولدى. جۇرگىزۋشى قۇرمانعازى اۋدانىنىڭ تۋماسى. اتىراۋ قالاسىندا باسپانا جالداپ تۇرعان. ارتىندا ءتورت بالاسى مەن اياعى اۋىر كەلىنشەگى قالدى.