ايدا بالايەۆا: جەرگىلىكتى يدەولوگتار بەينەروليكتەردىڭ مازمۇنىنا مۇقيات قاراۋ كەرەك
بۇل تۋرالى اقپارات جانە قوعامدىق دامۋ ءمينيسترى ايدا بالايەۆا Facebook-پاراقشاسىندا جازدى، دەپ حابارلايدى قازاقپارات.
«قازاقستان - زايىرلى مەملەكەت، سوندىقتان كونستيتۋتسيا بارلىق ازاماتتارعا بىردەي قۇقىق، ولاردىڭ ار- نامىسى مەن قادىر- قاسيەتىن قۇرمەتتەۋگە كەپىلدىك بەرەدى. ونىڭ ىشىندە ءبىز الەۋمەتتىك جەلىلەردەگى بىرەۋدىڭ ار- نامىسىنا تيەتىن ءتۇرلى جازبالار تۋرالى ايتىپ وتىرمىز. بۇل، مەملەكەتتىك الەۋمەتتىك تاپسىرىس اياسىندا جاسالعان بەينەبايانعا دا قاتىستى. جەرگىلىكتى يدەولوگتار مەملەكەتىمىزدىڭ باستى باسىمدىقتارىن ۇمىتپاي، بەينەروليكتەردىڭ مازمۇنىنا مۇقيات قاراۋ كەرەك دەپ سانايمىن»، - دەدى مينيستر.
ا. بالايەۆا اتاپ وتكەندەي، اكىمدىكتەر جانىنان ارنايى جۇمىس توپتارى قۇرىلىپ، ولار مەملەكەتتىك تاپسىرىسپەن جاسالاتىن ونىمدەردى بۇقارالىق اقپارات قۇرالدارىندا جانە الەۋمەتتىك جەلىلەردە جاريالانباس بۇرىن ەگجەي- تەگجەيلى تالداپ، ىرىكتەپ العانى دۇرىس.