ق ر پرەزيدەنتىنىڭ باسپا ءسوز حاتشىسى بەرىك ۋاليدەن كوروناۆيرۋس انىقتالدى
«ارداقتى اعايىن! وكىنىشكە قاراي، بۇگىن اسا ءبىر جايسىز جاڭالىقتى جاريالايىن دەپ وتىرمىن. الەمدى اينالىپ، ەلىمىزدى شارلاپ كەتكەن كوروناۆيرۋس ىندەتى مەنەن دە تابىلدى. كەشە تاپسىرعان تەست قورىتىندىسى وڭ ناتيجە بەردى. قازىر اۋرۋحانادا، دارىگەرلەردىڭ قاراۋىندا جاتىرمىن. جاعدايىم ءبىر قالىپتى. اسا الاڭدايتىنداي ەمەس. ەم قابىلداۋدامىن» دەپ جازدى ول.
سونداي-اق، ق ر پرەزيدەنتىنىڭ باسپا ءسوز حاتشىسى پرەزيدەنت بەلگىلەنگەن كەستەگە سايكەس جۇمىس ىستەپ جاتقانىن اتاپ ءوتتى. مەملەكەت باسشىسىنىڭ دەنساۋلىعىنا ەشقانداي قاۋىپ ءتونىپ تۇرماعانىن، قاسىم- جومارت كەمەل ۇلى ۇنەمى تەست تاپسىرىپ، قورىتىندىسىن الىپ وتىرعانىن مالىمدەدى. اقوردادا سانيتارلىق رەجيم كۇشەيتىلىپ، قاۋىپسىزدىك شارالارى قاتايتىلعانى تۋرالى ايتتى.
«وسى ىندەت باستالعالى بارلىعىمىز دابىل قاعىپ، ساقتانۋعا، دەرتتى جۇقتىرماۋدىڭ جولدارىن قاراستىرۋعا شاقىرىپ كەلەمىز. ءبىراق پاندەمياعا سەنبەيتىن، اۋرۋدى جوق دەۋشىلەر ازايماي تۇر. وندايدا «اۋىرعان ادامدى كورسەتىڭدەرشى»، «مەنىڭ تانىسىمنىڭ بىردە-ءبىرى اۋىرعان جوق. سوندا ونىمەن كىم اۋىرىپ جاتىر؟»، «اۋىرعان ادامداردىڭ اتتارىن نەگە اتامايدى؟» دەگەن سياقتى پىكىرلەردى ءجيى ەستيتىنبىز. مىنە، مەن دەرت جۇقتىردىم، ونى جاسىرماي جاريالاپ وتىرمىن. مۇنداعى ماقسات الاڭسىز جۇرگەن ازاماتتار ويلانسىن، سەنبەي جۇرگەن كىسىلەردىڭ كوزى جەتسىن دەگەنىم. اۋرۋ بار. ونى جۇقتىرۋشىلاردىڭ سانى كۇن سايىن ارتىپ جاتىر. قانشا جەردەن ساقتىق شارالارىن قاتاڭ ساقتاپ جۇرسەك تە، ءبىز دە جۇقتىردىق. ەندى ەمدەلۋ كەرەك» دەپ جازدى ول. ءسوز سوڭىندا بەرىك ءۋالي جۇرتشىلىقتى ساقتىققا شاقىردى:
«بارشاڭىزدى وزدەرىڭىزدىڭ جانە جاقىندارىڭىزدىڭ دەنساۋلىعىن ساقتاۋ ءۇشىن كارانتين رەجيمى مەن پروفيلاكتيكالىق شارالاردى ۇستانۋعا شاقىرامىن. پاندەمياعا جەڭىل-جەلپى قاراۋعا بولمايدى سونداي-اق بەرىك ءۋالي Instagram پاراقشاسىندا مەديتسينالىق زەرتتەۋ فوتوسىن جاريالادى.