باتىس قازاقستاندا كوروناۆيرۋستان ايەل ادام كوز جۇمدى
ىندەتتەن 1952 -جىلعى ايەل كوز جۇمدى. كوروناۆيرۋستى جۇقتىرعان ناۋقاستاردىڭ ءولىم جاعدايىن زەرتتەۋ جونىندەگى كوميسسيا بۇل دەرەك سەبەبىن كوروناۆيرۋس جۇقپاسىنان ورىن الدى دەپ تىركەۋگە شەشىم قابىلدادى. ب ق و دەنساۋلىق ساقتاۋ باسقارماسىنان تۇسكەن مالىمەتكە قاراعاندا، «اقجايىق» پروۆيزورلىق ستاتسيونارىندا جاتقان ايەل 27-مامىر كۇنى اۋىر جاعدايدا وبلىستىق جۇقپالى اۋرۋلار اۋرۋحاناسىنا جەتكىزىلگەن. ەمدەلۋشى ەكىجاقتى پنيەۆمونيامەن اۋىرعان.
سونداي-اق ورتا دارەجەدەگى قانت ديابەتى دياگنوزى قويىلعان. رەانيماتولوگ قاراپ، ءتيىستى ەم العان.
30-مامىر كۇنى ناۋقاستىڭ جاعدايى ناشارلاپ، جاساندى تىنىس الۋ اپپاراتىنا قوسىلعان. دارىگەرلەردىڭ بارلىق شارالاردى قابىلداعانىنا قاراماستان، ەمدەلۋشىنىڭ 3-ماۋسىم كۇنى جۇرەگى توقتادى. وسىلايشا قازاقستاندا كوروناۆيرۋستان قايتقاندار سانى 53 كە جەتسە، باتىس قازاقستان وبلىسى بويىنشا ەكىنشى ادام.
ەسكە سالا كەتەيىك، بۇدان بۇرىن ورالدا كوروناۆيرۋستان كوز جۇمعان ەر ادامنىڭ تەڭىز كەن ورنىندا جۇمىس ىستەگەنىن جازعان بولاتىنبىز.
اۆتور: ەلجان ەرالى