ەكىباستۇزدا مەديتسينالىق ماسكا ءۇشىن توبەلەس بولدى

پاۆلودار وبلىسى. قازاقپارات - ەكىباستۇزدا كۇزەتشى ساۋدا ورتالىعىنا كەلگەن ازاماتتان ماسكا تالاپ ەتىپ، ال ورتالىققا كەلگەن ازامات كۇزەتشىنىڭ جاعاسىنان العان.

وسىنىڭ سالدارىنان ورتالىقتا جانجال تۋىپ، ارتى توبەلەسكە ۇلاسقان. توبەلەسكە ساۋدا ورنىندا جۇرگەن وزگە ادامدار دا ارالاستى، دەپ حابارلايدى قازاقپارات.

«اتالعان ساۋدا ۇيىنە كەلۋشى مەديتسينالىق ماسكاسىز كەلگەنى ءۇشىن كۇزەتشىدەن ەسكەرتۋ العان. سودان كەيىن ولاردىڭ اراسىندا جانجال تۋىنداعان»، - دەدى پاۆلودار وبلىستىق پوليتسيا دەپارتامەنتىنىڭ باسپا ءسوز حاتشىسى.

ونىڭ ايتۋىنشا، توبەلەستى كۇزەتشىدەن ەسكەرتۋ العان ادام باستاعان. سودان كەيىن جانجالعا باسقا دا جاستار قوسىلىپ كەتكەن. توبەلەستى كۋاگەرلەر ۇيالى تەلەفوندارىنا ءتۇسىرىپ العان. ول ۆيدەو الەۋمەتتىك جەلىدە تارالىپ كەتتى. كادردا كۇزەتشىگە ءۇش جاس ەر ادامنىڭ جابىلىپ جاتقانى كورسەتىلگەن. سودان كەيىن كۇزەتشىگە جاس جىگىت راتسيامەن كومەككە كەلىپ، توبەلەسۋشىلەردى اراشالاپ العان.

«ق ر ق ك 293-بابى («بۇزاقىلىق») بويىنشا سوتقا دەيىنگى تەرگەۋ باستالدى. تەرگەۋ شارالارى جۇرگىزىلۋدە»، - دەدى ج. بەليالوۆا. توبەلەسكەندەردىڭ بارلىعى انىقتالدى.