د د سۇ-نى ۆيرۋس جۇقتىرعاندار سانى ارتقان ءۇندىستان مەن يرانداعى جاعداي الاڭداتىپ وتىر

None
None
نۇر-سۇلتان- bbc- قازاقپارات - دۇنيەجۇزىلىك دەنساۋلىق ساقتاۋ ۇيىمى (د د س ۇ) جۇما كۇنى ماسكاعا دەگەن ۇستانىمىن وزگەرتتى.

ەندى حالىقارالىق ۇيىم ۇكىمەت وكىلدەرىنە قوعامدىق ورىنداردا ماتادان تىگىلگەن ماسكا تاعىپ ءجۇرۋدى مىندەتتەۋدى ۇسىنىپ وتىر. بۇل تۋرالى بۇگىن bbc اگەنتتىگىنەن ءمالىم بولدى. اگەنتتىك تاراتقان مالىمەتتەرگە قاراعاندا، قازىرگى تاڭدا ءۇندىستان مەن يراندا ۆيرۋس جۇقتىرعاندار سانى ارتىپ كەتتى.

ساراپشىلار بۇل ىندەتتىڭ ەكىنشى تولقىنىنىڭ بەلگىسى دەگەن بولجام جاساپ وتىر. ەۋروپالىق وداق (ە و) ەلدەرى 1-شىلدەدە شەكارانى اشۋ ماسەلەسىن ويلاستىرىپ جاتىر. بريتانيا مەن شۆەتسيا ەۋروپاداعى بارۋعا ەڭ قاۋىپتى مەملەكەتتەردىڭ ءبىرى بولىپ وتىر. دجون حوپكينس ۋنيۆەرسيتەتىنىڭ مالىمەتتەرىنشە، پاندەميا باستالعالى كوروناۆيرۋستى الەمدە 6,6 ميلليون ادام جۇقتىرىپ، ىندەتتىڭ سالدارىنان 400 مىڭعا جۋىق ادام قايتىس بولعان.

ۆيرۋس جۇقتىرعاندار سانى جاعىنان قۇرلىقتار بويىنشا كوشباسشى ەلدەر دە بەلگىلى. ەۋروپادا پاندەميادان ەڭ كوپ زارداپ شەككەن ەلدەر – ۇلى بريتانيا، يتاليا، فرانسيا جانە يسپانيا. رەسەي ۆيرۋس جۇقتىرعاندار سانى جاعىنان الەمدە ءۇشىنشى ورىندا تۇر. الايدا بۇل مەملەكەتتە ادام ءولىمى وزگەلەرمەن سالىستىرعاندا وتە تومەن.

سولتۇستىك امەريكادا ناۋقاستار سانى جاعىنان الدىڭعى ورىندا ا ق ش تۇر. ا ق ش تا الەمدەگى Covid-19 ىندەتىنەن ەڭ كوپ زارداپ شەككەن مەملەكەتتەردىڭ ءبىرى. ىندەت ەڭ كوپ تاراعان ەلدەردىڭ الدىندا وڭتۇستىك جانە ورتالىق امەريكادا برازيليا مەن مەكسيكا تۇر. افريكادا وار، ەگيپەت پەن نيگەريا، ازيادا ءۇندىستان مەن يران تۇر. ىندەتتىڭ تاراۋىمەن كۇرەس ءۇشىن «ۇلكەن جيىرمالىق» ەلدەرى مەن وعان شاقىرىلعان مەملەكەتتەر 21 ميلليارد دوللار ءبولۋدى كوزدەپ وتىر. مۇنداي مالىمدەمە G20 سايتىندا سەنبى كۇنى جاريالاندى.

پاندەميا تاراي باستاعان ۋاقىتتا د د س ۇ وكىلدەرى ماسكانى تەك كوروناۆيرۋس جۇقتىرعان جانە اۋرۋ سيمپتومدارى بار، سونداي- اق ناۋقاستارمەن بايلانىستاعى ازاماتتار تاعۋى كەرەك دەگەن بولاتىن. حالىقارالىق ۇيىم وكىلدەرى اۋەلدە ماسكانىڭ ۆيرۋستان قورعايتىنىنا اسا ءمان بەرمەدى، ولار كەرىسىنشە، قولدى جۋىپ، تازا ۇستاپ ءجۇرۋدىڭ پايداسى زور دەگەن كەڭەس بەردى.

الايدا زەرتتەۋ شارالارى ماسكانى دۇرىس قولودانۋ ىندەتتەن قورعانۋدىڭ ەڭ ءتيىمدى جولى ەكەندىگىن كورسەتتى. دەگەنمەن د د س ۇ وكىلدەرى جالعاز ماسكانىڭ قاۋىپسىزدىك كەپىلى بولا المايتىنىن، قاۋىپسىزدىك شارالارىن كەشەندى تۇردە قولدانۋ كەرەكتىگىن ايتىپ وتىر

اۆتور: ايدار وسپاناليەۆ

سوڭعى جاڭالىقتار