+7 (701) 759 90 19
19 °С : نۇر-سۇلتان
18 °С : الماتى
USD 410.70 EUR 465.28
RUB 5.80 CNY 58.81
جاڭالىقتار

قاراقشى نوتاريۋس كەڭسەسىنە كەلىپ، ايەلدىڭ اقشاسى مەن التىنىن الىپ كەتكەن

6 ماۋسىم 09:43
:ءبولىسۋ
قاراقشى نوتاريۋس كەڭسەسىنە كەلىپ، ايەلدىڭ اقشاسى مەن التىنىن الىپ كەتكەن

پەتروپاۆل. قازاقپارات - پەتروپاۆلداعى نوتاريۋستىق كەڭسەلەردىڭ بىرىنە قاراقشىلىق شابۋىل جاساعان كۇدىكتى ۇستالدى، دەپ حابارلايدى قازاقپارات ءتىلشىسى.

سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 2-ماۋسىم كۇنى پەتروپاۆل قالاسى جامبىل كوشەسى بويىنداعى جەكە نوتاريۋستىڭ كەڭسەسىنە قاراقشىلىق شابۋىل جاسالعانى تۋرالى حابارلاما تۇسكەن.

بەتپەردە كيگەن ەر ادام پىشاقپەن قورقىتىپ، ايەلدىڭ التىن بۇيىمدارى مەن اقشاسىن الىپ كەتكەن. وبلىستىق پ د باستىعىنىڭ ورىنباسارى رۋسلان نازاروۆتىڭ ايتۋىنشا، قاراقشىلىق دەرەگى سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلدى. قىلمىستى اشۋ ءۇشىن قالالىق پوليتسيا ءبولىمىنىڭ جەكە قۇرامى تۇگەل جۇمىلدىرىلدى.

قىلمىستى «گاسترولەرلەردىڭ» ءبىرى جاسادى دەگەن بولجام بولدى. وسىعان بايلانىستى قىلمىس جاسالعان اۋدانداعى بەينەباقىلاۋ كامەرالارىنىڭ جازبالارى زەردەلەنىپ، پاتەر بيۋرولارى، جالعا تاپسىرىلعان پاتەرلەر مەن ساياجاي قوعامداستىقتارى تەكسەرىلدى.

ناتيجەسىندە كۇدىكتى سول كۇنى-اق انىقتالدى. كوكشەتاۋ قالاسىنىڭ 1996 -جىلعى تۋماسى مۇلىكتىك قىلمىس جاساعانى ءۇشىن بۇرىن سوتتى بولعان. ەلدىڭ باسقا وڭىرلەرىندەگى ءتارتىپ ساقشىلارىنا وعان قاتىستى باعدار جولدانعان. پوليتسەيلەر ونى قاراعاندىدا ۇستاعان. ول بۇل قالادا دا قاراقشىلىق جاساپ، قولعا ءتۇستى. قازىرگى ۋاقىتتا قىلمىستىق ءىستىڭ ماتەريالدارى قاراعاندى قالالىق پوليتسيا باسقارماسىنا بەرۋ ءۇشىن دايىندالۋدا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات