ديماشتىڭ اندەرى يسپانيا راديوسىنان بەرىلىپ جاتىر

None
None
نۇر-سۇلتان. قازاقپارات - بارسەلونانىڭ تانىمال راديو جەلىسىندە قازاقستاندىق ءانشى ديماش قۇدايبەرگەننىڭ اندەرى شىرقالۋدا، دەپ حابارلايدى قازاقپارات.

dimashnews.com سايتىنىڭ جازۋىنشا، «Radio Sant Boi « - بارسەلونانىڭ تۇكپىر-تۇكپىرىنە تارالاتىن تانىمال راديو. راديو باعدارلاماسىندا مادەنيەت، مۋزىكا، سونىمەن قاتار الەمدەگى وزەكتى وقيعالار تۋرالى ايتىلادى. جۇرگىزۋشىلەر قازاقستاندىق ءانشى مەن ونىڭ «ARNAU» الەمدىك تۋرنەسىنە ارنالعان بىرنەشە ەفير وتكىزگەن.

ماسەلەن، 10-ناۋرىزدا باعدارلاما ەفيرىندە ديماشتىڭ رەسەيلىك كومپوزيتور يگور كرۋتوي جازعان «Your Love « ءانى شىرقالدى. ال 20-ناۋرىزدا كوروناۆيرۋسپەن كۇرەستە الدىڭعى شەپتە جۇرگەن جاندارعا ارنالعان «We Are One « تۋىندىسى ورىندالدى.

«راديو جۇرگىزۋشىلەرى، سونىمەن بىرگە، ديماشتىڭ تۋعان ەلى تۋرالى مالىمەتپەن بولىسەدى. ءار كونسەرتىندە وتانىنا دەگەن ىستىق ماحابباتىن بىلدىرەتىن ديماشقا ءتانتى بولعان حابار قىزمەتكەرلەرى قازاقستانعا دەگەن قىزىعۋشىلىقتارىن دا جاسىرمايدى. بىردە ولار باعدارلاماعا قازاقستاننان شىققان، بۇگىندە يسپانيادا تۇراتىن ايەلدى شاقىردى. ول تىڭدارمانعا ءوز ەلى تۋرالى قۋانا ايتىپ بەردى. ماسەلەن، وسى جىلدىڭ 3 ماۋسىمىندا ەفيردە قازاقستاندىق «شىمبۇلاق» تاۋ-شاڭعى كۋرورتى تۋرالى ءسوز بولدى»، - دەلىنگەن اقپاراتتا.

جۋرناليست تەرەزا لليناستىڭ ايتۋىنشا، بارسەلونادا ديماشتىڭ جانكۇيەرلەرى وتە كوپ. ال بولاشاقتا ول تۋرالى راديودا عانا ەمەس، يسپان تەليەۆيدەنيەسىندە دە حابار تاراتۋعا نيەتتى. Dimashnews.com سايتىندا جازىلعانداي، د. قۇدايبەرگەنگە جاپونيا تەليەۆيدەنيەسى دە ەفير ارناعان. ءانشى «NonStop!» دەپ اتالاتىن تاڭعى باعدارلاماعا ونلاين قاتىسىپ، قازاق تىلىندە سۇحبات بەردى. ەسكە سالا كەتسەك، 24-مامىردا ديماش 26 جاسقا تولدى. الەمنىڭ بىرنەشە ەلىندەگى جانكۇيەرلەر وعان ءتۇرلى قۇتتىقتاۋلار جولدادى. ال قىتايلىق فاناتتار ءانشىنىڭ قۇرمەتىنە ءشول دالاعا 3 مىڭ اعاش وتىرعىزدى. سونىمەن بىرگە، ول Instagram-پاراقشاسىندا جانكۇيەرلەرىمەن قاۋىشىپ، ولاردىڭ سۇراقتارىنا جاۋاپ بەردى.

بۇدان بولەك، ونىڭ تۋعان كۇنى قۇرمەتىنە Dimash Manga (Manga D’R’S’) جاڭا رەسمي جوبا تانىستىرىلدى. Manga D’R’S’ - بۇل ەرەكشە جانە قىزىقتى سيۋجەتى بار جاپون كوميكستەرى (مانگا) جانرىنداعى شىعارمالار سيكلى. كوميكستى الەمنىڭ 7 تىلىندە ەلەكتروندى نەمەسە باسپا تۇرىندە ارنايى سايتتان ساتىپ الۋعا بولادى. وقيعا جەلىسى 2019 -جىلدىڭ 10-جەلتوقسانىندا ديماشتىڭ نيۋ-يوركتەگى كونسەرتىنەن باستاۋ الادى.

Manga D’R’S’ شامامەن 1-شىلدەدە ساتىلىمعا شىعا باستايدى. ەستونيانىڭ تاللين قالاسىنداعى تاريحي ساياباقتا ءانشىنىڭ قۇرمەتىنە كوشەت وتىرعىزىلسا، 5 ەلدەگى فاناتتار «دايديداۋ» ءانىن ورىنداپ، ۆيدەو جاريالادى.

سوڭعى جاڭالىقتار