+7 (701) 759 90 19
19 °С : نۇر-سۇلتان
18 °С : الماتى
USD 410.70 EUR 465.28
RUB 5.80 CNY 58.81
جاڭالىقتار

باتىس قازاقستان وبلىسىندا كارانتين كۇشەيدى

5 ماۋسىم 22:04
:ءبولىسۋ
باتىس قازاقستان وبلىسىندا كارانتين كۇشەيدى

ورال. قازاقپارات - باتىس قازاقستان وبلىسىندا كارانتين شەكتەۋ شارالارى كۇشەيتىلدى، دەپ حابارلايدى قازاقپارات ءتىلشىسى.

ب ق و باس مەملەكەتتىك سانيتار دارىگەرى مۇحامعالي ارىسپايەۆ ءمالىم ەتكەندەي، وڭىردە ەپيدەميولوگيالىق جاعدايدىڭ تۇراقسىز بولۋىنا بايلانىستى 11- مامىر كۇنگى قاۋلىعا وزگەرىستەر ەنگىزىلدى. اتاپ ايتقاندا، ادامدارعا تۇرعىلىقتى جەرى بويىنشا وتباسىلىق شارالاردى وتكىزۋگە تىيىم سالىندى.

ەكىنشىدەن، وسى قاۋلىداعى قوسىمشادا كورسەتىلگەن رۇقسات ەتىلگەن قىزمەت تۇرلەرى تىزىمىنە ەنگىزىلمەگەن بارلىق ۇيىمدار مەن كاسىپورىندار ءوز قىزمەتىن قاشىقتان، ونلاين رەجيمدە عانا اتقارا الادى.

ۇشىنشىدەن، بۇدان بىلاي ورالدا قوعامدىق كولىك تاڭعى ساعات 06.00-دەن 12.00-گە دەيىن، كەشكىسىن 17.00-21.00 ارالىعىندا قاتىنايدى.

تورتىنشىدەن، ازىق- تۇلىك جانە ازىق- تۇلىك ساتپايتىن بازارلار دۇيسەنبى- بەيسەنبىدە ساعات 09.00-13.00-دە، جۇما- جەكسەنبىدە 10.00-16.00 ارالىعىندا جۇمىس ىستەيدى.

بەسىنشىدەن، مەيرامحانا، بارلاردا دا سانيتارلىق تالاپتار ساقتالۋى ءتيىس، قوعامدىق تاماقتانۋ ورىندارىندا كاليان پايدالانۋعا تىيىم سالىنادى.

«قۇرمەتتى تۇرعىندار، سىزدەردەن حالىق كوپ جينالاتىن جەرلەرگە بارماۋعا، جيىندارعا قاتىسپاۋعا، الەۋمەتتىك اراقاشىقتىقتى ساقتاۋعا، جابىق نىساندارعا كىرگەندە بەتپەردە تاعۋعا شاقىرامىز. ەگەر توپتىق جيىندار كەسىرىنەن تۇرعىندار اراسىندا اۋرۋ انىقتالسا، سوعان جول بەرگەن ادامنىڭ زاڭمەن قاراستىرىلعان جاۋاپكەرشىلىككە تارتىلاتىنىن ەسكەرتەمىز»، دەدى م. ارىسپايەۆ.

ەسكە سالا كەتەيىك، بۇدان بۇرىن قاراشىعاناق كەنىشىندە كارانتين الىنعانىن، وڭىردە اۋىر حالدە اۋرۋحاناعا تۇسكەن ءسابيدىڭ بەتى بەرى قاراعانىن جازعان بولاتىنبىز.

اۆتور: ەلجان ەرالى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات