قازاق- قىرعىز شەكاراسىنداعى ۇزىن- سونار كولىك كەپتەلىسىنىڭ سەبەبى بەلگىلى بولدى

None
None
نۇر- سۇلتان. قازاقپارات - قازاقستاننىڭ مەملەكەتتىك كىرىستەر كوميتەتى قازاق- قىرعىز شەكاراسىنداعى ۇزىن- سونار كەزەكتىڭ سەبەبىن ءتۇسىندىردى، دەپ حابارلايدى قازاقپارات.

مەملەكەتتىڭ ەكونوميكالىق مۇددەسىن قورعاۋ جانە تاۋارلاردىڭ كولەڭكەلى اينالىمىن تومەندەتۋ ماقساتىندا مەملەكەتتىك كىرىستەر كوميتەتى 2019 -جىلدىڭ باسىنان بەرى ەاەو ەلدەرىمەن شەكارادا وتكىزىلەتىن جۇكتەرگە مونيتورينگ جۇرگىزەدى. سودان بەرگى ۋاقىتتا جالعان تۇلعالار مەن بانكروتتار اتىنا 10,3 مىڭ تاۋارلارعا ىلەسپە قۇجات رەسىمدەلگەنى، جالعان ترانزيتتىڭ 13 مىڭنان استام فاكتىسى انىقتالدى. تەك ءبىرىنشى توقساننىڭ وزىندە ق ر ارقىلى ر ف- عا ترانزيت رەتىندە مالىمدەلگەن جۇكتىڭ % 17 قازاقستاندا قالعان. تاۋارلاردىڭ مۇنداي كولەڭكەلى اينالىمى بيۋدجەتكە زيان كەلتىرەدى جانە وتاندىق بيزنەسكە باسەكەنىڭ تەڭ ەمەس جاعدايىن تۋعىزادى.

بۇل فاكتىلەردىڭ بارلىعى قىرعىز رەسپۋبليكاسى قۇزىرەتتى ورگاندارىنىڭ نازارىنا جەتكىزىلگەن. 2019-2020 -جىلدار ىشىندە ەاەو جانە د س ۇ الاڭىندا، ەكىجاقتى فورماتتا، قۇزىرەتتى ورگاندار مەن ۇكىمەت دەڭگەيىندە ءبىرقاتار كەزدەسۋلەر بولدى.

«بيىلعى اقپان ايىندا وتكىزىلەتىن جۇكتەر بويىنشا الدىن الا اقپارات الماسۋ، ناۆيگاتسيالىق قۇلىپتاردى جانە ەكى ەلدىڭ اقپاراتتىق جۇيەلەرىندە بار دەرەكتەردى پايدالانۋ ارقىلى تاۋارلاردىڭ كولەڭكەلى اينالىمىن تومەندەتۋ ماسەلەلەرىندە ءوزارا ءىس- قيمىلدىڭ قاجەتتىلىگى تالقىلاندى. بۇل وركەنيەتتى ساۋدا- ساتتىقتى ۇيىمداستىرۋعا جانە ەكى مەملەكەتتىڭ بيۋدجەت كىرىستەرىنىڭ ارتۋىنا ىقپال ەتۋشى ەدى. الايدا، كەزدەسۋ حاتتاماسىنا قىرعىز تاراپىنان قول قويىلمادى، پوشتا ارقىلى جولدانعان نۇسقاسى جاۋاپسىز قالدى. قىرعىز ارىپتەستەر تاراپىنان سىندارلى ديالوگتىڭ ورنىنا قىرعىز رەسپۋبليكاسىنداعى ىشكى سالىقتىق اكىمشىلەندىرۋدى ساۋدا كەدەرگىسى دەپ تانۋ ماقساتىندا شەكاراداعى جاعدايدى ادەيى شيەلەنىستىرۋ جانە ارانداتۋ جۇرگىزىلۋدە» دەلىنگەن كوميتەت حابارلاماسىندا.

قازىرگى ۋاقىتتا شەكارادا اۆتوكولىك جينالىپ قالعان. بۇل جەمىس- كوكونىس ونىمدەرى ماۋسىمىنىڭ باستالۋىمەن، ق ح ر- مەن ساۋدا- ساتتىقتى جاڭارتۋمەن جانە COVID-19 بايلانىستى 5 اۆتوموبيل وتكىزۋ پۋنكتىنىڭ جۇمىسىن توقتاتۋىمەن بايلانىستى بولىپ وتىر. ياعني، وتكىزىلەتىن اۆتوكولىك قارقىنى وتكىزۋ پۋنكتەرىنىڭ ءوتۋ جىلدامدىعىنان ارتىق بولىپ وتىر. 2020 -جىلعى 3 - ماۋسىمدا «قاراسۋ» ا ءو پ جانە «اقتىلەك- اۆتوجول» اءوپ- دا جينالۋ سەبەپتەرىن انىقتاۋ ماقساتىندا قازاقستان رەسپۋبليكاسى مەن قىرعىز رەسپۋبليكاسى وكىلدەرى كەزدەستى.

باقىلاۋ راسىمدەرىنىڭ حرونومەتراجى ەكى وتكىزۋ پۋنكتىنەن ءوتۋ - 30-35 مينۋتتى، ونىڭ ىشىندە ق ر سالىقتىق باقىلاۋ ءۇشىن قۇجاتتاردى سكانەرلەۋ - 3 مينۋتتى العانىن كورسەتتى. بۇل رەتتە قىرعىز تاراپى حرونومەتراج وتكىزۋ كەزىندە پ ت ر تەست تاپسىرعاننان كەيىن جۇرگىزۋشىلەر ناتيجەسىن كۇتپەستەن، تەك ساۋالنامانى تولتىرىپ عانا ق ر- نا شىعارىلعانىن راستادى. وسىعان بايلانىستى وتكىزۋ پۋنكتىندە ونى جاساۋدىڭ قاجەتى قانشا دەگەن سۇراق تۋىندايدى. قازاقستان تاراپى شەكارادا كەزەك بولماس ءۇشىن مۇنداي تەستىلەۋدى بەكەتتەن تىسقارى جەردە وتكىزۋدە. بۇدان باسقا، قارسى جولاقپەن كەزەكتەن تىس ءوتۋ قىزمەتىن ۇسىناتىن

«وتكىزىپ جىبەرۋشىلەردىڭ» ارەكەتىنە قىرعىزستان جۇرگىزۋشىلەرى نارازىلىق بىلدىرۋدە. «بۇگىنگى كۇنى اعىننىڭ ۇلعايۋىن ەسكەرە وتىرىپ، تاۋلىگىنە 200-گە جۋىق جۇك جانە سونداي باسقادا اۆتوكولىك قۇرالدارى شەكارادان وتۋدە. شەكارانىڭ قازاقستان ۋچاسكەسىندە تاۋار- كولىك جۇكقۇجاتتارىن سكانەرلەۋدى ەسەپكە الا وتىرىپ، جۇك ا ك ق ءوتۋ ۋاقىتى 15-20 مينۋتتى قۇرايدى. قالىپتاسقان ءمان- جايدى نازارعا الا وتىرىپ، قىرعىز تاراپىن وركەنيەتتى ساۋدا- ساتتىقتى ۇيىمداستىرۋ جانە بيۋدجەت پەن بيزنەس مۇددەسى ءۇشىن كولەڭكەلى اينالىمدى قىسقارتۋ جونىندە بىرلەسكەن شارالار قابىلداۋعا تاعى دا شاقىرامىز. بىرلەسكەن شارالار قابىلداماي بۇل ماسەلەنى شەشۋ مۇمكىن ەمەس» دەيدى كوميتەتتەن. كەشە ە ە ك وتىرىسىندا قىرعىز رەسپۋبليكاسىنىڭ ۆيتسە- پرەمەرى ە. ش. اسرانديەۆتىڭ قاتىسۋىمەن وسى ماسەلەلەر تالقىلاندى، ول بىرلەسكەن جۇمىس توبىن قۇرۋ قاجەتتىگىمەن كەلىستى.

سوڭعى جاڭالىقتار