اليك ايداربايەۆ: «قازمۇنايگازدا» قيىندىققا توتەپ بەرە الاتىن قور بار

None
None
نۇر- سۇلتان. قازاقپارات - «قازمۇنايگاز» ۇ ك ا ق باسقارما ءتوراعاسى اليك ايداربايەۆ كومپانيا بارلىق قيىندىقتى ەڭسەرەتىنىن ءمالىم ەتتى، دەپ حابارلايدى قازاقپارات ءتىلشىسى.

«قازمۇنايگاز» باسشىسى وپەك+ ەلدەرى مۇناي ءوندىرىسىن ازايتۋ تۋرالى كەلىسىمگە كەلىپ، قازاقستان بۇل شەشىمگە قولداۋ بىلدىرگەنىن جەتكىزدى.

«سول سەبەپتى مۇناي ءوندىرىسىنىڭ ازايىپ، مۇناي ونىمدەرىنە سۇرانىس ازايىپ بارا جاتقاندىقتان جىلدىڭ سوڭىندا ءبىزدىڭ وندىرىستىك ءارى قارجىلىق كورسەتكىشتەر جوعارى بولمايتىنىن بولجاپ وتىرمىز. الايدا ءبىز جاعداي سونشالىقتى ۋشىقتى دەي المايمىز. «قازمۇنايگازدا» قيىندىققا شىداس بەرەتىن قورى بار. ءبىز ونى ەنشىلەس كومپانيالاردى ءىشىنارا قولداۋ ءۇشىن پايدالاناتىن بولامىز»، - دەدى اليك ايداربايەۆ ەلباسى نۇرسۇلتان نازاربايەۆتىڭ توراعالىعىمەن وتكەن «سامۇرىق- قازىنا» كەڭەسىنىڭ وتىرىسىندا.

«قازمۇنايگاز» باسشىسىنىڭ ايتۋىنشا جاھاندىق داعدارىس قازىر دۇنيە ءجۇزىنىڭ بارلىق مەملەكەتىنە اۋىر سالدارىن تيگىزگەن. «ءسىز (نۇرسۇلتان نازاربايەۆقا) جاقىندا جۇمىس ءتارتىبىن قايتا قالىپتاستىرىپ، جاڭا ءادىس- تاسىلدەردى قولدانۋ قاجەت دەپ اتاپ وتكەن ەدىڭىز. ءبىز وسى جۇمىستى قولعا الدىق. داعدارىستى ەڭسەرۋ ءۇشىن ءبىزدىڭ مۇمكىندىگىمىز جەتكىلىكتى. ۇكىمەت «سامۇرىق- قازىنا» قورىمەن كۇش بىرىكتىرە وتىرىپ، «قازمۇنايگاز» بارلىق قيىندىقتى ەڭسەرىپ، ەل يگىلىگى ءۇشىن جۇمىستى جالعاستىراتىنىنا سەنىمدىمىن»، - دەدى ول.

ءوز كەزەگىندە ەلباسى نۇرسۇلتان نازاربايەۆ «قازمۇنايگاز» - «سامۇرىق- قازىنا» قورىنىڭ قۇرامىنداعى ەڭ ۇلكەن كومپانيا ەكەنىن اتاپ ءوتتى.

«سوندىقتان مىنا ۋاقىتتا ارينە وڭاي بولمايدى. دۇنيە جۇزىندەگى بارلىق كومپانيامەن بىرگە كورەتىن قيىندىق. بىرگە ەڭسەرۋ كەرەك. وسى جۇمىستىڭ ءبارىن ارى قاراي جالعاستىرا بەرىڭىز»، - دەدى ەلباسى.

ال Air Astana اۋە كومپانياسىنىڭ باسشىسى پيتەر فوستەر داعدارىسقا قارسى قانداي شارالار جۇرگىزىلىپ جاتقانىن ايتىپ بەردى. «سامۇرىق- قازىنا» ۇلتتىق ءال- اۋقات قورىن باسقارۋ جونىندەگى كەڭەس وتىرىسىندا نۇرسۇلتان نازاربايەۆ كومپانيا باسشىسىنا الداعى جۇمىس جوسپار جونىندە سۇراق قويدى.

«ءسىزدىڭ كومپانياڭىز بارلىق حالىقارالىق قاعيدالار مەن تالاپتارعا ساي جۇمىس ىستەپ جاتىر. بۇل ءبىزدى قۋانتادى. وكىنىشكە قاراي، الەمدەگى قازىرگى احۋال اۋە تاسىمالىن، اسىرەسە جولاۋشىلار تاسىمالىن ازايتتى. بۇل جونىندە ءسىزدىڭ پىكىرىڭىز بەن الداعى جۇمىس جوسپارىڭىزدى بىلگىم كەلەدى»، - دەدى نۇرسۇلتان نازاربايەۆ.

«ءوزىڭىز اتاپ وتكەندەي، اۆياتسيالىق يندۋستريا بۇرىن- سوڭدى بولماعان جاعدايدى باستان كەشۋدە. بارلىعى كۇردەلى جاعدايدا. ءبىراق، ءبىزدىڭ جولىمىز بولدى، ءبىز داعدارىسقا 14 اي تابىستى جۇرگىزىلگەن ترەندتەۋدەن كەيىن كەلىپ وتىرمىز. ءوز قارجىلىق اعىنىمىزدى كىدىرتۋ جانە ۇستاپ تۇرۋ مۇمكىندىگى بولدى. كۇردەلى داعدارىستىق كەزەڭگە قاراماستان، جاڭا باعىتتار دا اشىلىپ جاتىر. قازىرگى جاعدايدا اۋە جۇك تاسىمالى سۇرانىسقا يە جانە Air Astana وسى باعىتقا بەت بۇردى»، - دەدى پيتەر فوستەر.

پ. فوستەر كومپانيانىڭ باستاپقىدا تەك قانا جولاۋشىلار تاسىمالداعانىن، ال قازىر جۇك تاسىمالداۋ ماسەلەلەرىنىڭ ەگجەي- تەگجەيىن قاراستىرىپ جاتقانىن جەتكىزدى.

«بۇگىندە بىزدە قىتايعا جانە ەۋروپا ەلدەرىنە باعىتتالعان 32 چارتەرىمىز بار. جۇكتى دە، جولاۋشىنى دا تاسىمالداۋى ءۇشىن كەيبىر بوينگ-767 ۇشاقتارىمىزدى وزگەرتىپ جاتىرمىز. Air Astana جۇك تاسىمالدارى ءۇشىن بولەك ديۆيزيون ورناتىپ جاتىرمىز. جاقىندا 2 بوينگ-767 جۇك تاسىمالدارى ءۇشىن قايتا قۇراستىرىلادى. بۇل - ءبىزدىڭ داعدارىسقا ارەكەت ەتۋ شارالارىمىز»، - دەدى Air Astana باسشىسى.

اۆتور: ايجان سەرىكجان قىزى

سوڭعى جاڭالىقتار