اقتوتى رايىمقۇلوۆا: «قازاق فيلم» جەكەشەلەندىرىلمەيدى

None
None
نۇر-سۇلتان. قازاقپارات - مادەنيەت جانە سپورت ءمينيسترى اقتوتى رايىمقۇلوۆا «قازاق فيلم» كينوستۋدياسى جەكەشەلەندىرىلمەيتىنىن مالىمدەدى، دەپ حابارلايدى قازاقپارات ءتىلشىسى.

«البەتتە قازاق فيلمدى تاراتۋ تۋرالى ءتىپتى اڭگىمە دە قوزعالعان ەمەس. شىنتۋايتىندا «قازاق فيلم» - قازاقستاننىڭ كينوبرەندى ىسپەتتەس. ول - ورتالىق ازيا اۋماعىنداعى كينو شىعاراتىن ەڭ ءىرى ءوندىرىس وشاعى. وندا كينو شىعاراتىن تەحنولوگيالاردىڭ ءبارى بار. وزدەرىڭىز بىلەتىندەي، كينوستۋديا مەملەكەتتىڭ قاتىسۋىنداعى اكسيونەرلىك قوعام بولىپ جۇمىسىن جالعاستىرۋدا. بۇل زاڭدى مارتەبە - كينوستۋديانىڭ ءوزىن- ءوزى اقتايتىنىن جانە مەملەكەتتىك سۋبسيدياعا مۇقتاج ەمەستىگىن كورسەتەدى»، - دەدى اقتوتى رايىمقۇلوۆا و ك ق الاڭى ارقىلى حالىق الدىندا ەسەپ بەرۋ كەزدەسۋىندە.

اقتوتى رايىمقۇلوۆانىڭ ايتۋىنشا مەملەكەت بيۋدجەتىنەن وسى ۋاقىتقا دەيىن دۋبلياجعا، تيراجداۋعا، ديستريبۋتسيا مەن كينونى ساقتاۋعا قاراجات ءبولىنىپ كەلگەنىن ايتىپ ءوتتى.

«جىل سايىن «قازاق فيلم» مەملەكەتتىك تاپسىرىس اياسىندا 270 ميلليون تەڭگە كولەمىندە اقشا الىپ كەلدى. كينوستۋديا مەملەكەت قاراجاتىمەن ۇستالىپ، جاقىن ۋاقىتقا دەيىن جۇمىس ىستەپ كەلگەنىن بىلەسىزدەر. قازىرگى ۋاقىتتا كينو وندىرەتىن كومپانيالاردىڭ الدىندا جاڭا تەگەۋرىندەر پايدا بولدى. جاڭا تەحنولوگيالار دا پايدا بولۋدا»، - دەدى ول.

مينيستر ۇلتتىق كينونى قولداۋ ورتالىعى قۇرىلعانىن، ەلدە 114 جەكە كينوستۋديا، 112 انيماتسيالىق كينوستۋديا بارىن ءمالىم ەتتى.

«2019 -جىلدىڭ قىركۇيەگىنە دەيىن «قازاق فيلم» كينوستۋدياسى جەكەشەلەندىرىلەتىن نىسانداردىڭ قاتارىندا بولىپ ەدى. الايدا مينيسترلىك پەن ۇكىمەت ۇلكەن جۇمىس اتقارىپ، «قازاق فيلم» كينوستۋدياسى جەكەشەلەندىرىلەتىن نىسانداردىڭ تىزىمىنەن الىنىپ تاستالدى. ياعني «قازاق فيلم» جەكەشەلەندىرىلمەيدى. مەملەكەت «قازاق فيلمدى» قولداۋ ءۇشىن قولدان كەلگەن كومەكتىڭ ءبارىن كورسەتۋدە»، - دەدى ول.

اۆتور: ايان بەكەن ۇلى

سوڭعى جاڭالىقتار