اقتوتى رايىمقۇلوۆا فونوگراممامەن ءان ايتۋعا تىيىم سالۋ باستاماسىنا قاتىستى پىكىر ءبىلدىردى

None
None
نۇر- سۇلتان. قازاقپارات - مادەنيەت جانە سپورت ءمينيسترى اقتوتى رايىمقۇلوۆا فونوگراممامەن ءان ايتۋعا تىيىم سالۋ باستاماسىنا قاتىستى پىكىر ءبىلدىردى،-دەپ حابارلايدى قازاقپارات ءتىلشىسى.

« شىنىندا دا، كەيىنگى كەزدە قازاقستاندىق قوعامدا وتاندىق ەستراداعا قاتىستى سۇراقتار كوپ تۋىنداپ جاتىر. بۇل رەتتە ماڭىزدى ماسەلەنىڭ ءبىرى - فونوگراممانى قولدانۋ. فونوگرامماعا قاتىستى سىن ءسوز ايتاتىن حالىقتىڭ قاراسى مول. الەۋمەتتىك جەلىلەردە دە مۇنداي سىننىڭ كوپ ەكەنىن بايقايمىز. سول سەبەپتى بۇل ماسەلەنى شەشۋ ءۇشىن مادەنيەت جانە سپورت مينيسترلىگى «قازاقستان رەسپۋبليكاسىنىڭ مادەنيەتى تۋرالى» زاڭعا وزگەرىستەر مەن تولىقتىرۋلار ەنگىزىپ، پارلامەنت ءماجىلىسىنىڭ قاراۋىنا جىبەردى»، - دەدى اقتوتى رايىمقۇلوۆا و ك ق الاڭى ارقىلى حالىق الدىندا ەسەپ بەرۋ كەزدەسۋىندە. ءمينيستردىڭ ايتۋىنشا، زاڭ جوباسىنىڭ ۇكىمەتتىك نۇسقاسىندا « فونوگراممانى پايدالانۋ ءتارتىبى» (تەليەۆيدەنيە مەن راديودان باسقا جەردىڭ بارىندە تىيىم سالۋ) تۋرالى نورما دا بار.

« ءاربىر زاڭ جوباسى مۇددەلى مەملەكەتتىك ورگاندارى مەن « اتامەكەن» ۇ ك پ ماقۇلداۋىنان وتەدى. ءبىز زاڭ جوباسى ارقىلى اۋديتورياعا فونوگراممانىڭ پايدالانىلاتىنى تۋرالى الدىن الا حابارلاۋ ءتارتىبىن ۇسىنامىز. شىنىندا دا بۇل ماسەلە وزەكتى ەكەنىن ايتقىم كەلەدى. ءبىز ەسترادادا جۇمىس ىستەيتىن سۋبەكتىلەردىڭ مۇددەسىن ەسكەرە وتىرىپ، ونى جان- جاقتى تالقىلاۋىمىز كەرەك. ەكىنشى جاعىنان تۇتىنۋشىنىڭ مۇددەسىن دە قورعاۋعا ءتيىسپىز. تىڭدارمانعا الدىن الا حابارلاۋ كەرەك. وسىلايشا حالىق جاندى داۋىستاعى ءاندى تىڭداعىسى كەلە مە، الدە فونوگرامماعا كەلىسە مە، ءوزى شەشەدى»، - دەدى ول.


سوڭعى جاڭالىقتار