+7 (701) 759 90 19
0 °С : نۇر-سۇلتان
20 °С : الماتى
USD 429.59 EUR 507.3
RUB 5.62 CNY 64.1
جاڭالىقتار

يۋنەسكو- نىڭ شتاب- پاتەرىندە اباي مەرەيتويىنىڭ حالىقارالىق تۇساۋكەسەرى وتەدى

5 ماۋسىم 16:31
:ءبولىسۋ
يۋنەسكو- نىڭ شتاب- پاتەرىندە اباي مەرەيتويىنىڭ حالىقارالىق تۇساۋكەسەرى وتەدى

نۇر- سۇلتان. قازاقپارات - مادەنيەت جانە سپورت ءمينيسترى اقتوتى رايىمقۇلوۆا ابايدىڭ 175 جىلدىعىن اتاپ وتۋدە ىسىراپشىلدىققا جول بەرىلمەيتىنىن مالىمدەدى، دەپ حابارلايدى قازاقپارات ءتىلشىسى.

«وسى جىلى ءبىز حالقىمىزدىڭ كورنەكتى اقىنى جانە ويشىلى اباي قۇنانباي ۇلىنىڭ مەرەيتويىن اتاپ وتۋدەمىز. اباي فيلوسوفياسى ءبىزدىڭ مادەني جانە ۇلتتىق بىرەگەيلىگىمىزدىڭ اجىراماس بولىگىنە اينالدى. 21 - قاڭتاردا «استانا وپەرا» تەاترىندا ۇلى ابايدىڭ مەرەيتويىن رەسمي تۇردە اشۋ ءراسىمى ءوتتى. پرەزيدەنتىمىز قاسىم- جومارت كەمەل ۇلى توقايەۆتىڭ «اباي جانە ХХІ عاسىرداعى قازاقستان» ماقالاسىندا ەڭ باستى ماقسات - توي تويلاۋ ەمەس، وي تولعاۋ، وي ءورىسىمىزدى كەڭەيتۋ ەكەنىنە زور ءمان بەرىپ وتىرعانىن بىلەسىزدەر. بەكىتىلگەن جالپى رەسپۋبليكالىق جوسپاردىڭ بارلىق ءىس- شارالارى يدەولوگيالىق جانە اعارتۋشىلىق جۇكتەمەنى كوتەرەدى» ، - دەدى اقتوتى رايىمقۇلوۆا و ك ق الاڭى ارقىلى ونلاين رەجيمدە حالىق الدىندا ەسەپ بەرۋ كەزدەسۋىندە.

مينيستر مەملەكەت باسشىسى اتاپ وتكەندەي، مەرەيتويدىڭ كۇن ءتارتىبى تۇجىرىمدامالىق تۇرعىدان ەلدە جانە شەتەلدە اباي تۇلعاسىنىڭ جاھاندىق اۋقىمىن كەڭىنەن تانىمال ەتۋگە ارنالعان يدەولوگيالىق- مازمۇندى جانە ساپالى ءىس- شارالاردى وتكىزۋگە نەگىزدەلەتىنىن ايتىپ ءوتتى.

«بۇل رەتتە بيىل اتاپ وتىلەتىن ماڭىزدى ءىس- شارالار بارىسىندا ىسىراپشىلدىق پەن ناۋقانشىلدىققا جول بەرىلمەيتىندىگىنە باسا نازار اۋدارعىم كەلەدى. بۇگىنگى كۇنى ابايدىڭ مۇراجاي- ۇيىندە، جيدەبايداعى «اباي- شاكارىم» مەموريالدىق كەشەنىندە عىلىمي- رەستاۆراتسيالاۋ جۇمىستارى جۇرگىزىلۋدە. ابايدىڭ «جيدەباي- ءبورىلى» مۋزەي- قورىعىن تولىققاندى عىلىمي- زەرتتەۋ ورتالىعى ەتىپ قايتا قۇرۋ تۇجىرىمداماسى ازىرلەندى. جالپى، شىعىس قازاقستان وبلىسىنداعى 18 نىساندا جۇمىستار جۇرگىزىلۋدە» ، - دەدى ول.

اقتوتى رايىمقۇلوۆا ءوز سوزىندە اباي شىعارماشىلىعىن ناسيحاتتاۋ ماقساتىندا ەلدە جانە شەتەلدە ونىڭ ەڭبەكتەرى الەمنىڭ 8 شەت تىلىنە اۋدارىلىپ، باسىلىپ شىعارىلاتىنىن اتاپ ءوتتى.

«پراگادا ابايدىڭ مادەني- اقپاراتتىق ورتالىعى اشىلدى. براتيسلاۆا، بۋداپەشت، بەرلين قالالارىندا «اباي وقۋلارى» ، كورمەلەر، دوڭگەلەك ۇستەلدەر ۇيىمداستىرىلدى. نۇر- سۇلتان قالاسىنداعى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ بازاسىندا «اباي اكادەمياسى» عىلىمي- زەرتتەۋ ينستيتۋتى قۇرىلدى. مەرەيتويدىڭ نەگىزگى شارالارىن قىركۇيەك ايىندا شىعىس قازاقستان وبلىسىندا وتكىزۋ جوسپرالانىپ وتىر. قازان ايىندا پاريجدەگى يۋنەسكو- نىڭ شتاب- پاتەرىندە اباي مەرەيتويىنىڭ حالىقارالىق تۇساۋكەسەرى وتەدى»، - دەدى اقتوتى رايىمقۇلوۆا.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات