نورۆەگيادا تەڭىز جاعاسىنداعى جەر وپىرىلىپ، بىرنەشە ءۇي سۋعا كەتتى

نۇر-سۇلتان. قازاقپارات- نورۆەگيانىڭ سولتۇستىگىندەگى فيننمارك پروۆينتسياسىندا جەر وپىرىلىپ، بىرنەشە ءۇي تەڭىزگە قۇلاعان، دەپ حابارلايدى «حابار 24».

وقيعا تەڭىز جاعاسىنا جاقىن ورنالاسقان التكا قالاسىندا بولدى. بەلگىسىز سەبەپتەردەن ۇزىندىعى 800 مەتردەي بولاتىن جاعانىڭ ءبىر بولىگى وپىرىلىپ قۇلاپ، 8 ءۇي مەن بىرنەشە كولىك سۋعا ءتۇسىپ كەتكەن. ازىرگە تابيعات اپاتىنان قازا تاپقاندار مەن ءىز- ءتۇزسىز جوعالعاندار تۋرالى اقپارات جوق. تۇرعىندار ءبىرىنشى كوشكىن كەزىندە قاۋىپسىز جەرگە شىعىپ ۇلگەرگەن. قازىر اپات اۋدانىندا ىزدەۋ شارالارى ءجۇرىپ جاتىر. ماماندار تاعى كوشكىن ءجۇرۋ قاۋپى بارىن ايتادى.