+7 (701) 759 90 19
20 °С : نۇر-سۇلتان
21 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

الماتىداعى زووباقتىڭ قاشان اشىلاتىنى بەلگىلى بولدى

5 ماۋسىم 14:02
:ءبولىسۋ
الماتىداعى زووباقتىڭ قاشان اشىلاتىنى بەلگىلى بولدى

الماتى. قازاقپارات - الماتى زووباعىنا كەلۋشىلەر ونداعى جانۋارلاردى 6 -ماۋسىمنان باستاپ كورە الادى، دەپ حابارلايدى قازاقپارات ءتىلشىسى.

«ەكى جارىم اي بويى الماتى زووباعى جابىق بولاتىن. زووباق قىزمەتكەرلەرى جانۋارلاردى ەكسترەمالدى رەجيمدە قورەكتەندىرىپ، تازالاپ جۇمىس ىستەدى. سونداي- اق، كارانتين جانۋارلار تولدەيتىن ۋاقىتقا تۇسپا- تۇس كەلدى. تەك وسى ارالىقتىڭ وزىندە 70 كە جۋىق بالاپان شىقتى» ، - دەدى الماتى زووباعىنىڭ ديرەكتورى سەيىلحان اقىلبەكوۆ.

اسىرەسە، 8 جىلدان بەرى ۇرپاق وربىتپەگەن قوزىقۇماي قۇسى بيىل بالاپان شىعاردى. ايتا كەتۋ كەرەك، الەمدە تۇڭعىش رەت 1972 -جىلى الماتى زووباعىندا قوزىقۇمايدان بالاپان شىققان. بەلگىسىز سەبەپتەرگە بايلانىستى بۇل قۇس 8 جىلدان بەرى بالاپان وربىتپەگەن.


«بيىل اقپاننىڭ سوڭىندا ەكى بالاپان شىقتى. تۇياقتىلار بولىمىندە 3 بوكەن، تەڭبىل بۇعى، تۇيە، پوني، كارليك قويلار تولدەدى. الماتى زووباعى تاريحىندا ءبىرىنشى رەت حارزا تۋدى. ءبىز 3 كۇشىك تۋدى دەپ تۇسپالداپ وتىرمىز. قازىر ازىرگە كورسەتپەيدى. كەيىنىرەك ولاردى تاماشالايتىن بولامىز» ، - دەدى زووباق ديرەكتورى.


بىلتىر تۋعان اۆستراليا ەسىمدى قابىلاننىڭ كۇشىگى دە ءوسىپ قالدى. دجيم ەسىمدى گيببون دا 1 جاسقا كەلدى. بۇل عاجايىپتاردىڭ بارلىعىن 6 -ماۋسىمدا تاماشالاۋعا بولادى. سەبەبى، زووباق 2 اي ۇزىلىستەن سوڭ اشىلادى. زووباققا كىرەبەرىستە دەزينفەكتسيالىق ءدالىز ورناتىلعان. انتيسەپتيكتەر، سانيتايزەرلەر بار.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات