كاسىپكەرلەردەن قارجى بوپسالاپ كەلگەن قىلمىستىق توپ مۇشەلەرى ۇستالدى

None
None
اتىراۋ. قازاقپارات - اتىراۋ وبلىسىندا كاسىپكەرلەردەن قارجى بوپسالاۋ، قارىز ءوندىرۋ سياقتى قىلمىستىق ارەكەتتەرمەن اينالىسىپ كەلگەن ۇيىمداسقان توپ مۇشەلەرى ۇستالدى، دەپ حابارلايدى ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ.

ءباسپاسوز مالىمەتتەرىنە قاراعاندا، 2020 -جىلعى 3 -ماۋسىمدا ۇلتتىق قاۋىپسىزدىك كوميتەتىنىڭ اتىراۋ وبلىسى بويىنشا دەپارتامەنتى جۇرگىزگەن ارنايى وپەراتسيا ناتيجەسىندە سپورتتىق ورتا مەن ىقتيمال دەسترۋكتيۆتى ءدىني اعىمداردىڭ وكىلدەرىنەن تۇراتىن ادامدار توبىنىڭ قۇقىققا قايشى ارەكەتىنىڭ جولىن كەسىلدى. قىلمىستىق توپ مۇشەلەرى وڭىردەگى كاسىپكەرلەردى قورقىتىپ، اقشا الىپ، قارىزداردى «ءوندىرۋ» سياقتى قىلمىستىق ارەكەتتەرمەن اينالىسىپ كەلگەن. سونداي- اق ولاردىڭ دەنە جاراقاتىن سالۋ سياقتى ارەكەتتەرگە دە قاتىسى بار.

«قىلمىستىق توپتىڭ بەلسەندى 5 مۇشەسى ۇستالدى. ولاردىڭ كەيبىرەۋى «ۇرىلار» يدەولوگياسىن ۇستانىپ، ترانسۇلتتىق قوعامداستىقتاردىڭ كومەكشىلەرىمەن بايلانىس ۇستاعان. ۇستالعانداردىڭ تۇراتىن جەرىن ءتىنتۋ بارىسىندا ءۇش بىرلىك ءارتۇرلى قارۋ تۇرلەرى مەن ولاردىڭ وق- دارىلەرى تابىلدى. ۇستالعان ءۇش ادام ۋاقىتشا ۇستاۋ يزولياتورىنا قامالىپ، بۇلتارتپاۋ شاراسىن تاڭداۋ جونىندە ماسەلە شەشىلۋدە. ەكەۋىنەن قورعاۋعا قۇقىعى بار كۋاگەر رەتىندە جاۋاپ الىندى» ، - دەلىنگەن حابارلامادا. جەدەل- تەرگەۋ ءىس- شارالارى جالعاسۋدا.


سوڭعى جاڭالىقتار