كارانتين شارالارى قايتا كۇشەيتىلدى
مينيسترلەر كابينەتى جانىنداعى جەدەل شتابتىڭ شەشىمى بويىنشا وسى اپتادا سەنبى جانە جەكسەنبى كۇندەرى ۇيدەن شىعۋعا تىيىم سالىنادى. بۇل كۇندەرى بارلىق مەكەمەلەر جۇمىس ىستەمەيدى، قوعامدىق كولىك پەن اۆتوموبيلدەر جۇرمەيدى.
بۇل ناۋقاستار سانى كۇرت ارتقان باكۋ، سۋمگايت، گيانجا، ليانكوران قالالارى مەن اپشەرون اۋدانىنا قاتىستى شەكتەۋ. تەك دارىگەرلەر مەن ماڭىزدى سالالاردىڭ ماماندارىنا جۇمىس ىستەۋگە رۇقسات ەتىلەدى. مامىر ايىندا ازەربايجاندا كارانتين ءتارتىبى جەڭىلدەتىلگەننەن كەيىن كوروناۆيرۋستى جۇقتىرۋ سانى تىم ءوسىپ كەتتى. سوڭعى انتيرەكورد 3-مامىردا تىركەلدى.
بۇل كۇنى 325 ناۋقاس انىقتالدى.
«ناۋقاستار سانى كۇرت ءوستى. وسى رەتتە ءبىز 6 جانە 8-ماۋسىم ارالىعىندا باكۋ، سۋمگايت، گيانجا، ليانكاران قالالارى مەن اپشەرون اۋدانىندا قاتاڭ كارانتين ءتارتىبىن ەنگىزەتىن بولدىق. بۇل شارالاردىڭ بارلىعى ازاماتتارىمىزدىڭ دەنساۋلىعى مەن ءومىرىن قورعاۋعا باعىتتالعان. سوندىقتان اۋرۋ ورشىسە قاتال شارالار ەلدىڭ وزگە قالالارى مەن اۋداندارىندا دا قابىلدانۋى مۇمكىن»، - دەيدى ازەربايجان پرەمەر-ءمينيسترى الي اسادوۆ.