قىستاقتاعى جاسوسپىرىمدەر ۇيالى بايلانىس ۇستايتىن جەر ىزدەپ، جوعالىپ كەتكەن

اتىراۋ. قازاقپارات - اتىراۋ وبلىسىنىڭ ماحامبەت اۋدانىندا جاسوسپىرىمدەر ۇيالى بايلانىس ۇستايتىن جەردى ىزدەپ، جوعالىپ كەتتى، دەپ حابارلايدى قازاقپارات.

توتەنشە جاعدايلار دەپارتامەنتىنەن ءمالىم ەتكەندەي، 2-ماۋسىمدا قاڭباقتى قىستاعىنان 17 جانە 18 جاستاعى جاسوسپىرىمدەر ۇيالى تەلەفونمەن سويلەسۋ ءۇشىن موبيلدى بايلانىس ۇستايتىن جەردى ىزدەپ شىققان. ءبىراق، سول كۇنى قىستاققا قايتا ورالماعان.

«قاڭباقتى قىستاعى ماحامبەت اۋدانىنىڭ ورتالىعىنان 65 شاقىرىم قاشىقتا ورنالاسقان. باستاپقىدا ولاردى تۋىستارى ىزدەستىرىپ، تابا الماعان. سودان سوڭ، 3-ماۋسىمدا توتەنشە جاعدايلار دەپارتامەنتىنە حابار بەرگەن. جوعالعان جاسوسپىرىمدەردى ىزدەۋگە 4 قىزمەتكەر جىبەرىلدى»، - دەپ حابارلادى توتەنشە جاعدايلار دەپارتامەنتىنىڭ باسپا ءسوز قىزمەتىنەن.

الايدا، قۇتقارۋشىلار قىستاققا كەلگەنگە دەيىن تۋىستارى ەكى جاس ءوسپىرىمدى وزدەرى تاۋىپ العان.

اۆتور: بەك مۇستافا