داعدارىسقا العاش تاپ بولىپ وتىرعان جوقپىز - نۇرسۇلتان نازاربايەۆ

None
None
نۇر-سۇلتان. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆ «سامۇرىق- قازىنا» ۇلتتىق ءال-اۋقات قورىنىڭ جۇمىسىنا باعا بەردى، دەپ حابارلايدى قازاقپارات ءتىلشىسى.

«سامۇرىق- قازىنا» قورىن دۇنيەدەگى ەڭ ۇزدىك تاجىريبەگە سۇيەنە وتىرىپ جاسادىق. ونىڭ نەگىزگى ماقساتى - ۇلتتىق ەكونوميكانىڭ باسەكەگە قابىلەتتىلىگىن ارتتىرۋ، ۇلتتىق كومپانيالار اكتيۆتەرىنىڭ باعاسىن كوتەرۋ بولدى.

قور ءوزىنىڭ ميسسياسىن ورىنداپ كەلەدى. اسىرەسە سوڭعى جىلدارى، كۇردەلى كەزەڭدەردە ەكونوميكامىزدىڭ ناقتى قولداۋشىسى بولىپ، زور ۇلەس قوستى. مەنىڭ تاپسىرماممەن «سامۇرىق- قازىنا» قورى قۇرىلعاندا وعان ەلىمىزدىڭ ەڭ ءىرى اكتيۆتەرى ەندى. بۇل قادام ولاردىڭ قۇنىن قىمباتتاتىپ، كىرىستى ارتتىرىپ، وسى كومپانيالارداعى ءونىم شىعارۋ كولەمىن كوبەيتتى»، - دەدى ن. نازاربايەۆ «سامۇرىق- قازىنا» ۇلتتىق ءال-اۋقات قورىن باسقارۋ جونىندەگى كەڭەستىڭ وتىرىسىندا.

بىلتىرعى جىلدىڭ قورىتىندىسى بويىنشا، قور بارلىق ونەركاسىپتىك جانە قارجىلىق باعىتتا وڭ ناتيجە كورسەتتى. بىلتىرعى تابىس كولەمى - 1,2 تريلليون تەڭگەنى، بيۋدجەتكە تولەم 1,1 تريلليون تەڭگەنى قۇراعان.

«جالپى، 2018-2019 -جىلدارى قور مەملەكەتتىك بيۋدجەتتىڭ كىرىسىن سالىق تولەمى رەتىندە 2,2 تريلليون تەڭگەگە ارتتىردى. مىندەتتەردى تولەۋ اياسىندا ۇلتتىق قورعا 460 ميلليارد تەڭگە اۋدارىلدى. بۇل - وتە جاقسى كورسەتكىش. مۇناي باعاسىنىڭ ارزانداۋى، جولاۋشىلار مەن جۇك تاسىمالىنىڭ ازايۋى، ەلەكتر ەنەرگياسىن جەتكىزۋدىڭ تومەندەۋى قور كومپانيالارىنىڭ وندىرىستىك جانە قارجىلىق كورسەتكىشتەرىنە كەرى اسەر ەتتى.

مەن «سامۇرىق قازىنا» باسشىلىعى كوتەرگەن وپەراتسيالىق جانە اكىمشىلىك شىعىنداردى وڭتايلاندىرۋ جونىندەگى باستامالاردى قولدايمىن. مۇنىڭ قانشالىقتى دۇرىس ءارى ءتيىمدى ەكەنىن سلايدتان كوردىڭىزدەر. ونىڭ ۇستىنە، بۇل ەلىمىزدەگى IT يندۋسترياسىن جەتىلدىرۋگە مۇمكىندىك بەرەدى»، - دەدى ەلباسى.

تۇڭعىش پرەزيدەنتتىڭ ايتۋىنشا، قور قومپانيالارى كارانتيندىك شەكتەۋلەر الىنعاننان كەيىن دە قاشىقتان جۇمىس ىستەۋدى جالعاستىرۋ جوبالارىن جۇزەگە اسىرۋعا كىرىسىپ كەتتى. بۇل، وفيسكە، ترانسپورتتىق، تەحنيكالىق جۇمىسشىلارعا تولەنەتىن جانە باسقا دا شىعىندى ازايتۋعا كومەكتەسەدى. «قابىلدانعان شارالار ارقىلى قور وندىرىستىك باعىتتاعى قىزمەتكەرلەردى جاپپاي قىسقارتۋعا جول بەرگەن جوق. بۇل - وتە ماڭىزدى. داعدارىسقا العاش تاپ بولىپ وتىرعان جوقپىز عوي.

بۇعان دەيىن 1998 -جىلعى داعدارىستى دا، 2008-2009 -جىلدارداعى الەمدىك داعدارىستى دا ەڭسەردىك. مەن بۇكىل كومپانيالاردان جۇمىس ورنىن، ادامداردى ساقتاپ قالۋدى سۇرادىم.

ءتىپتى، ءقازىر اقشا تولەمەسەك تە، جۇمىس ورنىڭ ساقتالادى دەسەڭ، وسىنىڭ ءوزى - ۇلكەن قولداۋ. ول قايتا ورالىپ، كومپانيادا جۇمىس ىستەيتىنىن بىلەدى. بۇل مىسالدار باسقالارعا دا ۇلگى بولۋى ءتيىس. وسى ءتاسىلدى بارلىق جەردە قولدانۋ كەرەك»، - دەدى ن. نازاربايەۆ.

«سوڭعى ەكى جىل كولەمىندە قور سىرتقى قارىزىنىڭ 8 ميلليارد تەڭگەسىن مەرزىمىنەن بۇرىن تولەدى. بۇل ۆاليۋتا كۋرسىنىڭ وزگەرۋىنە بايلانىستى جوعالۋى مۇمكىن 1 تريلليون تەڭگەنى ۇنەمدەۋگە كومەكتەستى. داعدارىسقا قاراماستان، جوعارى اتالعان شارالار كەشەنى ۇكىمەتكە 120 ميلليارد تەڭگە كولەمىندە ديۆيدەنت تولەۋگە مۇمكىندىك بەردى. بۇل 2017 -جىلمەن سالىستىرعاندا 10 ەسەگە كوپ»، - دەدى نۇرسۇلتان نازاربايەۆ.


اۆتور: ايجان سەرىكجان قىزى

سوڭعى جاڭالىقتار