+7 (701) 759 90 19
18 °С : نۇر-سۇلتان
23 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

وڭىرلەردە كوروناۆيرۋس جۇقتىرعاندار سانى ارتىپ بارادى – ءبىرتانوۆ

4 ماۋسىم 19:45
:ءبولىسۋ
وڭىرلەردە كوروناۆيرۋس جۇقتىرعاندار سانى ارتىپ بارادى – ءبىرتانوۆ

نۇر- سۇلتان. قازاقپارات - وڭىرلەردە كوروناۆيرۋس جۇقتىرعاندار سانى ارتىپ بارادى. بۇل تۋرالى بۇگىن ق ر دەنساۋلىق ساقتاۋ ءمينيسترى ەلجان ءبىرتانوۆ ايتتى، دەپ حابارلايدى قازاقپارات ءتىلشىسى.

«سوڭعى 2 اپتانىڭ دەرەكتەرىن كورسەك، وكىنىشكە قاراي كارانتين شارالارى جەڭىلدەگەننەن كەيىن كەي وڭىرلەردە ناۋقاستار سانى ارتقانىن كورىپ وتىرمىز. ءوسىم دەڭگەيى كوتەرىلىپ كەلە جاتىر. بۇل دا - وتە ماڭىزدى ماسەلە. ايتالىق، 15-مامىر مەن 24 -مامىر ارالىعىندا ەلىمىزدە 2800 ناۋقاس تىركەلسە، وتكەن اپتادا 25 -مامىردان ماۋسىمنىڭ 3 ىنە دەيىن 3500 ناۋقاس تىركەلدى. ءوسىم 25 پايىزعا ارتتى»،- دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا. وسى رەتتە مينيستر قاتاڭ شارالار قابىلداپ، ۆيرۋستىڭ تارالۋىن تومەندەتۋگە بولاتىنىن اتاپ ءوتتى.

«ءبىراق، تاجىريبە قاتاڭ شارالاردىڭ شەشىم ەمەستىگىن كورسەتىپ بەردى. ونى سىني ساتتەردە قولدانۋعا بولادى. ناۋقاستار سانى كۇرت كوتەرىلگەن العاشقى تولقىن كەزىندە ونىڭ ءتيىمدى بولعانىن كورىپ وتىرمىز. كارانتين شارالارىن ساقتاۋ ارقىلى اۋرۋلاردىڭ سانى ارتا تۇسكەنىمەن ءوسىمنىڭ تۇراقتى قارقىنىنا قول جەتكىزدىك. تولىقتاي العاندا، ەلىمىزدە ءوسىم قارقىنى - 5 پايىز شەگىندە. حالىق اراسىنداعى الەۋمەتتىك جانە ەكونوميكالق احۋالدى جاقسارتۋعا باعىتتالعان جەڭىلدەتۋ شارالارى قاراپايىم ومىرگە ورالعانداي سەزىم تۋدىرماۋى ءتيىس»،- دەدى ەلجان ءبىرتانوۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات