+7 (701) 759 90 19
18 °С : نۇر-سۇلتان
23 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

حالىقتىڭ رۋحاني احۋالىن بالالار ادەبيەتىنىڭ دامۋىمەن ولشەۋ كەرەك - نۇرتورە ءجۇسىپ

4 ماۋسىم 18:07
:ءبولىسۋ
حالىقتىڭ رۋحاني احۋالىن بالالار ادەبيەتىنىڭ دامۋىمەن ولشەۋ كەرەك - نۇرتورە ءجۇسىپ

نۇر- سۇلتان. قازاقپارات - بۇگىن پارلامەنت سەناتىنىڭ ءبىر توپ دەپۋتاتى بالالار ادەبيەتىن دامىتۋعا قاتىستى ۇكىمەت باسشىسى اسقار ءماميننىڭ اتىنا دەپۋتاتتىق ساۋال جولدادى، دەپ حابارلايدى قازاقپارات ءتىلشىسى.

«پرەزيدەنت قاسىم- جومارت كەمەل ۇلى «وتباسىندا انا تىلىندە سويلەپ وسكەن ءبۇلدىرشىننىڭ تىلگە دەگەن ىقىلاسى تەرەڭ، قۇرمەتى بيىك بولادى»، - دەي كەلىپ، وسى تۇرعىدا، بالاباقشالاردا، مەكتەپتەردە مەملەكەتتىك ءتىلدىڭ مارتەبەسىن كوتەرۋدى نازاردا ۇستاۋ قاجەتتىگىن اتاپ كورسەتتى. ادەبيەت - ادام جانىنىڭ ايناسى. بالالار ادەبيەتى - ۇلتتىق مادەنيەتتىڭ نەگىزىن ساقتاۋدىڭ، انا ءتىلىنىڭ بايلىعىن ارتتىرۋدىڭ، سويلەۋ مادەنيەتىن قالىپتاستىرۋدىڭ ەڭ قۋاتتى مەحانيزمى. بالالار ادەبيەتىنە ولشەۋسىز ۇلەس قوسقان كلاسسيك جازۋشىلاردىڭ كوبىسى ومىردەن ءوتتى. كەزەك - جاس تولقىنعا كەلدى»، - دەدى سەناتور نۇرتورە ءجۇسىپ سەناتتىڭ جالپى وتىرىسىندا.

وسى ورايدا دەپۋتات قازاقستاندا مەكتەپ جاسىنا دەيىنگى ءۇش جاسار بالادان باستاپ، ون التى جاسقا دەيىنگى وقۋشىلارعا كوركەم ادەبي تىلدە جازىلعان تارتىمدى تۋىندىلار جەتىسپەيتىنىن اتاپ ءوتتى. «باۋىرجان مومىش ۇلىنىڭ «ەرتەگىسىز وسكەن بالا رۋحاني مۇگەدەك ادام»، - دەگەن قاناتتى ءسوزى بار.

گۇلگە سۋ قۇيماسا - سولىپ قالادى. وسپەيدى. بالالار ادەبيەتى دە سول گۇل سياقتى. بۇل سالاعا قوماقتى قارجى قۇيىلماسا، ەشكىم جوندەپ اينالىسپايتىن بولادى. كەمبريدج ءتاسىلى بويىنشا، 1-سىنىپقا كىرگەن وقۋشىنىڭ سوزدىك قورى ءۇش مىڭ سوزگە جەتۋى كەرەك. اتا- اناسى كۇنى بويى جۇمىستا، ءسابي كەزىندە ەرتەگى تىڭداماعان، تاقپاق جاتتاماعان بالادا سوزدىك قور قايدان بولسىن؟ گوركيدىڭ «بالالار جازۋشىسى وزگە جازۋشىلاردان دا ساپالى جازۋى كەرەك» دەيتىن ءسوزى بار. كىشكەنتايلار ءۇشىن شىعارما جازۋ وڭاي ەمەس. عالىمداردىڭ زەرتتەۋىنە قاراعاندا، ءار ءبىر ون جىلدىقتا دۇنيەگە كەلگەن ءسابي، بالا پسيحولوگياسى ءبىر- بىرىنەن مۇلدەم الشاق بولادى ەكەن. بالانىڭ جانىن تۇسىنبەي، جاقسى تۋىندى شىقپايدى»، - دەدى سەناتور.

ونىڭ پايىمىنشا، سوندىقتان حالىقتىڭ رۋحاني احۋالىن بالالار ادەبيەتىنىڭ دامۋىمەن ولشەۋ كەرەك. بالالار ادەبيەتى دۇرىس وركەن جايعاندا عانا مەملەكەتتىك ءتىلدىڭ تۇعىرى بەرىك بولادى.

«شىعاتىن كىتاپتاردىڭ ىشىندە بالالار ادەبيەتىنىڭ ۇلەس سالماعى وتە تومەن. تارالىمى دا، ساپالىق جاعى دا كوڭىل كونشىتپەيدى. كەيبىر اۆتورلار كىتاپتاردى ءوز قاراجاتىنا شىعارادى. قازىر الەمدە پوليگرافيا جاقسى دامىعان، ديزاين مەن گرافيكانىڭ ۋاقىتى. قازاقستانداعى باسپالار جۇمىسى حالىقارالىق ستاندارتتارعا ساي كەلمەيدى. حالىقارالىق تاجىريبەلەرگە سۇيەنۋ كەرەك. شەتەلدە اۆتور، يلليۋستراتور، باسپاگەر، ادەبي اگەنت - تۇتاس شىعارماشىلىق توپ كۇش بىرىكتىرەدى. بۇل رەتتە بىزگە الىسقا بارماي- اق، رەسەي تاجىريبەسىنەن ۇيرەنۋگە بولادى»، - دەدى دەپۋتات.

بۇل تۇرعىدا ن. ءجۇسىپ ءبىرقاتار ۇسىنىستار جاريالادى. «ءتيىستى باعدارلامالار اياسىندا بالالار ادەبيەتىن دامىتۋعا ارنايى قارجى ءبولۋدى ۇسىنامىز. بالالارعا ارنالعان كىتاپتاردى باسىپ شىعارۋعا جەڭىلدىك بەرۋ ءۇشىن قوسىلعان قۇن سالىعىنان بوساتۋ قاجەت. ۇلتتىق مۋلتفيلمدەر شىعارۋ ىسىندە جەكەمەنشىك كومپانيالاردى قارجىلاي قولداۋ تەتىكتەرىن قاراستىرۋ ماڭىزدى. جەرگىلىكتى اكىمشىلىكتەر تاراپىنان كىتاپحانالاردى «بالالار ادەبيەتى» باعدارلاماسىن جاساپ، شىققان جاڭا كىتاپتارمەن تولىقتىرسا دەيمىز. جاسوسپىرىمدەردىڭ كىتاپ وقۋعا دەگەن قىزىعۋشىلىعىن ارتتىرۋ ءۇشىن ەلەكتروندى وقۋلىقتاردى ەنگىزۋ قاجەت. مۇنداي كىتاپتار قولدانۋعا وتە ءتيىمدى، بارىنشا ىڭعايلى، قازىرگى زامان تالابىنا ساي بولعانى ءجون. سوندىقتان، ۇكىمەت قازاق بالالار ادەبيەتىن دامىتۋدىڭ كەشەندى باعدارلاماسىن جاساپ، اتالعان شارالاردى قولعا الۋى كەرەك دەپ ەسەپتەيمىز»، - دەدى سەناتور.

اۆتور: رۋسلان عابباسوۆ


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات