+7 (701) 759 90 19
16 °С : نۇر-سۇلتان
20 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

الاكولدە دەمالۋشىلاردان كوروناۆيرۋس جۇقتىرماعاندىعى تۋرالى انىقتاما تالاپ ەتىلەدى

4 ماۋسىم 16:44
:ءبولىسۋ
الاكولدە دەمالۋشىلاردان كوروناۆيرۋس جۇقتىرماعاندىعى تۋرالى انىقتاما تالاپ ەتىلەدى

وسكەمەن. قازاقپارات - شىعىس قازاقستان وبلىسىندا كوروناۆيرۋس پاندەمياسىنا بايلانىستى دەمالىس ورىندارىنىڭ يەلەرى مەن تۋريستەر ءبىرقاتار نورماتيۆتەردى ساقتاۋ كەرەك، دەپ حابارلايدى قازاقپارات ءتىلشىسى.

ش ق و اقپارات ورتالىعىنىڭ مالىمەتىنشە، دەمالۋشىلار جاعاجاي ايماعىندا كەم دەگەندە ەكى مەتر قاشىقتىقتى ساقتاۋى ءتيىس. دەمالىس بازالارىنداعى جاتىن ورىندار مەن ۇيشىكتەردىڭ تەك % 50- ى جالعا بەرىلەدى. سونداي- اق كەلۋشىلەردەن سوڭعى 7 كۇن ىشىندە الىنعان كوروناۆيرۋس جۇقتىرماعاندىعى تۋرالى انىقتاما قاعاز بولۋى شارت. ءبىر وتباسىندا 1 ادامنىڭ انىقتاماسى بولسا جەتكىلىكتى. بۇل تۋرالى وبلىستىڭ باس مەملەكەتتىك سانيتار دارىگەرىنىڭ قاۋلىسىندا ايتىلعان. بارلىق دەمالىس ورىندارى دەزينفەكسيالىق جانە جەكە قورعانىس قۇرالدارىمەن، دەنە قىزۋىن قاشىقتان ولشەيتىن تەرمومەترلەرمەن قامتىلۋى قاجەت. دەمالۋشىلاردىڭ وزدەرىندە دە جەكە قورعانىس قۇرالدارى بولعانى ابزال.

كەلۋشىلەرگە مەديتسينالىق كومەك كورسەتۋ ءۇشىن الاكولدىڭ جاعاسىندا قابانباي اۋىلىنداعى دارىگەرلىك امبۋلاتوريادان تاۋلىك بويى جۇمىس ىستەيتىن 12 توسەك- ورىن دايىندالدى. سونىمەن قاتار كولدىڭ بويىنا 24 ساعاتتىق تراۆماتولوگيا پۋنكتى ورناتىلعان. قاجەت بولعان جاعدايدا مامانداندىرىلعان مەديتسينالىق كومەك كورسەتۋ ءۇشىن وسكەمەن جانە سەمەي قالالارىنان ماماندار جەتكىزىلەدى. پاتسيەنتتەردى ءۇرجار اۋدانىنداعى اۋرۋحانا قابىلداۋعا دايىن. وندا ەكى وكپەنى جاساندى جەلدەتۋ اپپاراتى بار.

ەستەرىڭىزگە سالا كەتسەك، ءۇرجار اۋدانىنداعى الاكول ايماعى 13 - ماۋسىمنان باستاپ دەمالۋشىلاردى قابىلدايدى. ش ق و تۋريزم جانە سىرتقى بايلانىستار باسقارماسى باسشىسىنىڭ ورىنباسارى ينارا بودۋكوۆانىڭ ايتۋىنشا، بيىل جاعالاۋىنا كونسەرت الاڭى سالىنادى.

اۆتور: تالعاتجان مۇحامەتبەك ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات