ماڭعىستاۋ وبلىسىندا كولىكپەن جارىسقان مەكتەپ تۇلەكتەرى جاۋاپقا تارتىلدى

اقتاۋ. قازاقپارات - ماڭعىستاۋدا مەكتەپ ءبىتىرۋشى تۇلەكتەر اتتەستات الۋ كەشىن ەرەكشە تويلادى، - دەپ حابارلايدى قازاقپارات ءتىلشىسى.

جاس تۇلەكتەر اۆتوكولىك كورتەجىمەن جارىس ۇيىمداستىرعان. الەۋمەتتىك جەلىلەردە جاستاردىڭ ۆيدەوسى پايدا بولدى. وبلىستىق پوليتسيا دەپارتامەنتىنىڭ حابارلاۋىنشا، جاس تۇلەكتەر جىلدامدىقتى شەكتەن تىس اسىرعان. ولارعا زاڭعا سايكەس ايىپپۇل سالىندى.

«جاڭاوزەن قالاسىنا قاراستى جولدا ءوزارا جارىسقان كولىكتەردىڭ جۇرگىزۋشىلەرىنە ايىپپۇل سالىندى. بارلىعى 16 اۆتوكولىك قاتىسقان. جۇرگىزۋشىلەردىڭ جاسى 18 دەن 25 جاسقا دەيىن ەكەنى انىقتالدى. اۆتوكولىكتەر ايىپتۇراققا جابىلدى.

اۆتوكولىك يەسىنە ق ر اكىمشىلىك قۇقىقبۇزۋشىلىق تۋرالى زاڭىنىڭ 593-ءبولىمى 2-بولىگى بويىنشا (قاۋىپسىزدىك بەلدىگىنىڭ تالاپتارىن ساقتاماۋ) جانە 612-باپتىڭ 1-ءبولىمى (قۇجاتتارى جوق جانە باسقارۋ قۇقىعى جوق ادامنىڭ كولىك جۇرگىزۋى) بويىنشا حاتتاما تولتىرىلدى»، - دەپ حابارلادى دەپارتامەنتتىڭ باسپا ءسوز قىزمەتى.