ەلوردادا مەملەكەتتىك رامىزدەر كۇنىنە وراي ۇيىمداستىرىلعان اۆتوشەرۋ باستالدى

نۇر-سۇلتان. قازاقپارات - ەلوردادا مەملەكەتتىك رامىزدەر مەرەكەسىنە وراي ۇيىمداستىرىلعان سالتاناتتى اۆتوشەرۋ باستالدى، دەپ حابارلايدى قازاقپارات ءتىلشىسى.

«بۇگىن مەملەكەتتىك رامىزدەرىمىزگە 28 جىل تولىپ وتىر. وسىناۋ مەرەكەگە وراي سالتاناتتى اۆتوشەرۋ وتكىزۋدى ءجون كوردىك. بۇل شارانىڭ باستى ماقساتى - ۇلتتىق قۇندىلىقتارىمىزعا بالايتىن رامىزدەرىمىزگە دەگەن سۇيىسپەنشىلىك سەزىمدى وياتۋ. ول بىرنەشە كەزەڭنەن تۇرادى. العاشى كەزەڭدە 28 اۆتوموبيل مەن 28 موتوسيكلدىڭ قاتىسۋىمەن 28 شاقىرىمدىق شەرۋ بولادى»، - دەدى شەرۋ باستالار الدىندا ب ا ق وكىلدەرىنە سۇحبات بەرگەن نۇر-سۇلتان قالالىق جاستار ماسەلەلەرى باسقارماسىنىڭ «استانا جاستارى» ك م م باسشىسىنىڭ ورىنباسارى ايان ەرمەنتايەۆ.

ونىڭ اتاپ وتۋىنشە، ەكىنشى كەزەڭدە شەرۋگە قاتىسۋشىلار ەكىنشى دۇنيەجۇزىلىك سوعىستاعى جەڭىستىڭ 75 جىلدىق مەرەيتويىنا وراي «وتان قورعاۋشىلار» الاڭىنا بارادى.

وندا ۆولونتەرلەر مايدانگەرلەرىمىزدىڭ ەرلىگىنە تاعزىم رەتىندە 75 گۇل شوعىن قويادى. «ءۇشىنشى كەزەڭدە سۋدا جۇزەتىن كولىك قۇرالدارىمەن 28 شاقىرىمدىق شەرۋ وتكىزەمىز. جالپى، بۇل شارامىزعا 100 گە جۋىق قالا تۇرعىنى مەن ەرىكتىلەر قاتىسىپ وتىر. بۇل شارالار لەگى كەشكە دەيىن جالعاسادى. مۇنان بولەك، قالانىڭ بارلىق ساياباقتارىندا نيەت تانىتقان ادامداردىڭ بەتتەرىنە ەلىمىزدىڭ كوك تۋىن سالىپ بەرۋ شاراسى وتكىزىلەدى»، - دەدى ايان ەرمەنتايەۆ.

ايتا كەتەيىك، شەرۋگە قاتىسۋشىلاردىڭ بارلىعى قاجەتتى قورعانىس قۇرالدارىمەن قامتاماسىز ەتىلگەن جانە ولارعا كارانتين رەجيمى ەرەجەلەرىن ساقتاۋ بويىنشا نۇسقاۋلىق بەرىلگەن.

اۆتور: مارلان جيەمباي